زنگزور دهلیزی اوزریندن تهران-مسکوا قارشیدورماسی ایران تهلوکه‌سیزلیک شوراسینین کاتبی علی اکبر احمدیانین روسیایا سفری ایله ده حل ائدیلمه‌دی. بو کنتکستده اساس دقتچکه‌ن مقام شویگونون «روسیا زنگزور دهلیزی ایله باغلی ایرانلا اوولکی راضیلاشمالارا صادقدیر» آچیقلاماسی ایدی. بو، ایرانین ایستدیی «دهلیز لاییحه‌سینین گوندمدن چیخاریلماسی» یوخ، روسیانین «دهلیز ایرانین رگیونداکی ماراقلارینا تهلوکه یاراتمیر» موقعیینین داوام ائتدیریلمه‌سیدیر.

و احمدیانین مسکوا سفریندن سونرا باش وئرنلر ده ایران رسمی‌سینین «الیبوش» قاییتدیغینی دئمه‌یه اساس وئریر. روسیا خارجی ایشلر ناظیرلیی-نین سؤزچوسو ماریا زاخارووانین «مسکوا زنگزور دهلیزی ایله باغلی اؤز آرگومنتلرینی تقدیم ائدیب و ایرانین بونو باشا دوشجیینه امید ائدیر» آچیقلاماسی، کمونیکاسییانین آچیلماسی اوزره اوچ‍‌‌طرفلی ایشچی گروپونون روسیادان اولان همصدری آلکسی اووئرچوکون ایروانا سفری و وئردیی بیاناتلار دا بو احتمالی گوجلندیریر. ایران ایسه «محاربه ائد‌جه‌م» تهدیدینی داوام ائتدیرمکده‌دیر، سپاه-آ باغلی اینفورماسییا رسورسلاری تبلیغاتی بو یؤنده آپاریر. سون اولاراق، ایران علمی حوزه‌لرین رهبری، ایران کونستیتوسییاسینین کئشیکچیلر شوراسینین عضوو آیت الله علیرضا اعرافی «روسیایا خبردارلیق ائدیریک: زنگزور دهلیزینین ملکیت مسئله‌سی بیزیم قیرمیزی خطیمیزدیر» آچیقلاماسینی وئردی.

باش وئرنلر اوچ آنا سوالی اؤن پلانا چیخاریر:

- ایران نیه زنگزور دهلیزینه قارشیدیر؟

- ایرانین دهلیزه قارشی تبلیغاتی ندن عبارتدیر و رئاللیقلا نه قدر اوزلاشیر؟

- نیه ایندی محض روسیانین اوزرینده فوکوسلانیرلار؟

ایران زنگزور دهلیزی ایله باغلی ناراحاتلیغینین تمل سببلرینی رسمی شکلده اعلان ائتمیر. ایرانین اؤزو اوچون «تهلوکه» کیمی قبول ائتدیی بیر نئچه مقاما توخونماق اولار:

- قاراباغین آزاد ائدیلمه‌سیندن سونرا ایرانین جنوبی قافقازا گیریش امکانلاری بؤیوک اؤلچوده محدودلاشدی: تهران‌دا دوشونورلر کی، زنگزور دهلیزی ۱۰ نویابر بیاناتینا اویغون آچیلارسا، ارمنیستانا، بوتؤولوکده بؤلگه‌یه گیریشی بلوکلاناجاق؛

- زنگزور دهلیزی رئاللاشماسی بو لاییحه‌نین ده بیر حصه‌سی اولدوغو اورتا دهلیزین پرسپکتیوینی گوجله‌ندیره‌جک و بو، ایرانین آوراسیانین نقلیات شبکه‌سینده‌کی رولونو معین قدر آزال‌دا، یاخود اونا قارشی آلترناتیولری اؤنه چیخارا بیلر؛

- ایرانین اساس هدفی پراکتیکی اجراسی نه قدر غیر-ممکون گؤرونسه ده، فارس کؤرفزی-قارا دنیز مارشروتونو رئاللاشدیرماقدیر. کی، مهری-دن کئچه‌جک دهلیز بو لاییحه‌نی تمامیله اعتبارسیز ائده بیلر؛

- و ان مهم مقاملاردان بیری زنگزور دهلیزی ایله بؤلگه‌ده تورکیه‌نین رولونون آرتماسی، آذربایجانین گوجله‌نمه‌سی تهران‌دا ناراحاتلیق یارادیر؛

هرچند، رسمی باکی دفعه‌لرله تهرانا «بؤلگه‌ده‌کی ماراقلارینا تهلوکه اولمادیغینی» ایضاح ائدیب، رگیونال امکداشلیق پلاتفورماسینی (۳+۳) ایر‌لی سوروب، حتی دهلیزین ایران مارشروتونون دا آچیلماسینا راضیلاشاراق، نیتینی پراکتیکی موستویده نمایش ائتدیریب. عینی ایضاحی مسکوا و آنکارا دا پایلاشیر. تهران ایسه امکداشلیق امکانلارینی دیرلندیرمیر، عکسینه، پوزوجو موقعییندن ال چکمیر، حالبوکی، ایران بو پروسسده «آفسایتدا» قالان طرفدیر و مداخله امکانلاری محدوددور.

ایرانین زنگزور دهلیزینه قارشی کامپانییاسینین ایکی خط اوزره آپاریلدیغی مشاهده ائدیلیر.

۱. زنگزور دهلیزی «ناتو-توران» دهلیزیدیر؛

۲. ایران بو لاییحه‌یه قارشی «لازم اولارسا، حربی مداخله‌یه» ال آتاجاق، «ایکینجی جبهه‌ده دؤیوشمک گوجونده‌دیر»، «ایرانین حربی رهبرلیی حربی سناری اوزریندن دوشونور» و سایر.

«ناتو-توران دهلیزی» ایران‌دا آذربایجانا قارشی چیخیشلاری ایله تانینان اکسپرت عاکف کاظمی طرفیندن اورتایا آتیلیب، لاکن بو ادعانین مؤلفلیک حقوقلاری داها اوزاغا گئدیر. هله ۸۰-جی ایللرده ناخچیوانی آذربایجانا بیرلشدیره‌جک مهری یولو لاییحه‌سی گونده‌مه گلنده ارمنی ترورچو ضوری بالایان بونو «ناتو-توران دهلیزی» آدلاندیریب (بو فاکت جمال‌الدین قولیئوه مخصوصدور). کاظمی بالایانین ادعاسینی یئنیدن گوندمه گتیردی و ایرانین زنگزور دهلیزینی «ناتو و توران»آ باغلاماسی هم روسیایا، هم ده دهلیزی «بیر کمر بیر یول» لاییحه‌سینین اورتا دهلیزینده بیرلشدیریجی کئچید اولاراق گؤرن چینه عنوانلانان تبلیغاتدیر. تورکیه‌نین ناتو عضوو اولماسینا و تورانین قورولماسی پلانینا دقت چکمه‌یه چالیشیر، «تهلوکه‌نی» پکن و مسکوایا گؤستریرلر. حالبوکی، دهلیز ۱۰ نویابر راضیلاشماسینا اویغون آچیلارسا، اورادا تهلوکه‌سیزلیی ناتو ایله گلوبال قارشیدورما یاشایان روسیا قورویاجاق. روسیا «ناتو-توران دهلیزی»نده دایاناجاق؟! یعنی ایرانین تبلیغاتی گولونج‌دور. «حربی مداخله‌یه» ال آتاجاقلاری حاقدا دئدیکلری ایسه بلفدیر. ایران دا بونو آنلاییر، لاکن بلکه آلینار دوشونجه‌سی ایله «استراتژی چکیندیرمه» تاکتیکاسینی تطبیق ائدیر.

زگزور دهلیزینه گؤره عادتا آذربایجانی تهدید ائد‌ن ایرانین ایندی باکییا یوخ، مسکوایا خطاب ائتمه‌سینین ایکی سببی وار.

بیرینجی‌سی، روسیا دهلیز لاییحه‌سینین رئاللاشماسی استقامتینده آکتیولشیب و پروسس مسکوانین پلانینا اویغون داوام ائدرسه، باکی و آنکارانین مؤقعلری گوج‌لنه‌جک، تهرانین بؤلگه‌ده «ایکینجی درجه‌لی» اویونچو موقعیی ثابتلنه‌جک؛ایکیجی‌سی و ان اساس مقام زنگزور دهلیزینده روسیانین اشتراکینا قارشی اولان غربه «رگیوندا سیزین ماراقلاری ایران قورویور» مساژینی وئرمکدیر: ارمنیستانین سرحدلرینی «قیرمیزی خطی» اعلان ائد‌نده ایرانین هدفلریندن بیری غربدن دستک الده ائتمک، یاخود ان آزی سانک‌سییالار مسئله‌سینده قازانج‌لی چیخماق ایدی، بونا گؤره آذربایجانی هدف اولاراق سئچمیشدی؛ ایندی هدفی داها بؤیوکدور – روسییا؛

قاراباغ‌دان چیخدیقدان سونرا زنگزور دهلیزینی اساس دایاق نقطه‌سی اولاراق گؤرن روسیانین گئری چکیلمیجیی بللی‌دیر. ایرانین نه ائدجیی، دهلیز لاییحه‌سینه هانسی فورمادا قارشی چیخاجاغی ماراقلی‌دیر: «ناتو-توران دهلیزی» تبلیغاتی و «حربی مداخله» بلفینین ایشه یارایاجاغی احتمالی ضعیفدیر، بو باخیم‌دان، ایران نتیجه الده ائده بیلمه‌سه ده، یئنی‌دن آذربایجانین اوزرینه فوکوسلانا بیلر.