آذربایجانین نلر ائدجیینی، یاخود نلر ائتدیینی دانیشماغیم ایندی دوزگون اولمازدی.

Axar.az خبر وئریر کی، بو سؤزلری ارمنستان باش ناظری نیکول پاشینیان اجتماعی تلویزییادا چیخیشین‌دا دئییب.

«بیز بدبین‌لیک شرایطینده فعالیت گؤستریریک، بورادا چوخلاری صلح گونده‌مینین الده اولونا بیله‌جه‌یینه اینانمیر. اما بیز چوخ مهم نتیجه‌لر الده ائتمیشیک. بیرینجی‌سی، دمارکاسیا کمیسییالارینین بیرگه فعالیتینین تنظیمله‌نمه‌سی‌دیر. بو، ارمنستانلا آذربایجان آراسیندا امضالانمیش ایلک حقوقی قوه‌یه مالک سنددیر. بوندان علاوه، بیزیم صلح سازشینین راضیلاشدیریلمیش متنی وار.

کیرانتس-اسکیپارا دمارکاسیاسیندان اول ده بؤیوک پسیمیزم وار ایدی. دمارکاسیا باش توتوب و بیز بونو اجتماعیت‌دن گیزلتمه‌یه چالیشمیریق، عکسینه، منیم گؤستریشیمله پروسسین نتیجه‌لرینی گؤسترمک اوچون اورا مختلف اجتماعی گروپلارین سفرلری تشکیل اولونور»، - دئیه او علاوه ائدیب.