روسیا اؤزونه بیرلشدیردیی اوکراینانین ۴ رگیونونو تام اشغال ائتمه‌یه‌نه قدر محاربه بؤیوک احتیماللا داوام ائد‌جک.

Axar.az خبر وئریر کی، بو سؤزلری احد صدری، ملت وکیلی قدرت حسنقولیئو اوکراینادا صلح تشببوسلرینه مناسبت بیلدیررکن دئییب.

اونون فکرینجه، بو ایشده ترامپ اونا لازیمی دستیی وئره‌جک:

«اما بو ائله فورمادا حیاتا کئچیریله‌جک کی، ترامپ وظیفه‌سینی قورویا و گله‌جکده حاکمیتی واریثینه اؤتوره بیلسین. باشقالاری کیمی اوکراینا دا آمریکا ایله دوستلوغون آغیر فسادلارینی یاشایاجاق. پوتین آرتیق تکجه اوکراینانی یوخ، ناتو-نو دا مغلوب ائتمیین ممکن‌لویونو گؤرور. اونا گؤره ده محاربه‌نی ایندیکی مرحله‌ده دایاندیرمایاجاق، دیرلر بحرانی یاشایان، خیانته میل‌لی کولکتیو غربی دیز چؤکدوره‌جک. ترامپ آمریکانین رقیبلریندن چوخ، اؤزونون سیاسی رقیبلرینه نفرت ائدیر، اونلاردان قیصاص آلماق ایستییر. پوتین ترامپ‌دان روسیانین رقیبلرینه قارشی بوتون استقامتلرده مهارتله استفاده ائد‌جک».