ایرانین ارمنستانلا بیرگه سرحدده تعلیملره باشلاماسینی سپاه رسمیلری «صلح مقصدلی» آدلاندیرسا دا، ارمنستان‌دا بئله دوشونمورلر.

Axar.az خبر وئریر کی، ارمنی پولیتولوق و تهلوکه‌سیزلیک اوزره اکسپرت داوید آروتیونوو بو تعلیملرین آذربایجانا قارشی اولدوغونو وورغولاییب.

او بیلدیریب کی، تعلیملر «معین چکیندیریجی رول» اوینایاجاق:

«خصوصاً ده ایندی آذربایجان واختاشیری ارمنستانی آتشکسی پوزماقدا اتهام ائد‌نده - چوخلاری بونو رسمی باکینین یئنی حربی عملیاتلارا باشلاماق اوچون اینفورماسییا زمینی یاراتماق جهدی کیمی قبول ائدیر».

اکسپرت خاطرلادیب کی، تعلیملر ایران و آمریکا مناسبتلرینده‌کی گرگینلیک فونوندا دا نظره چارپیر:

«آمریکا و اسرائیلین حربی عملیات کئچیرمه‌سی احتمالی قارشی‌سیندا اسلام رسپوبلیکاسی آچیق شکلده بیلدیریر کی، بو وضعیتده بئله جنوبی قافقاز اونون اوچون پریوریتت اولاراق قالیر و بو رگیون‌دا حربی-سیاسی وارلیغینی قورویوب ساخلاییر.

عینی زمان‌دا نظره آلماق لازم‌دیر کی، ایرانین ارمنیستانلا تعلیملر واسطه‌سیله قونشولارینا سیاسی مساژی کفایت قدر تمکینلی و محدوددور. صحبت خصوصی تعینات‌لیلار سوییه‌سینده تعلیملردن گئدیر کی، بو دا اؤزلویونده کفایت قدر محدود فورماتدیر. ایکینجی‌سی، مدافعه ناظیرلیینین حساباتینا اساساً، هر بیر طرف بو تعلیملری اؤز اراضی‌سینده کئچیریر. اوچونجوسو، ایران تخمیناً عینی سخئمله کئچه‌ن ایل آذربایجانلا تعلیملر کئچیریب. دوزدور، اورادا خصوصی تعیینات‌لیلار یوخ ایدی، اما تاپشیریقلار بیر چوخ جهتدن اوخشاردیر. اولا بیلسین کی، تعلیملرین مقصدی عمومی‌لیکده قونشولارلا کووردیناسییا و امکداشلیق نمایش ائتدیرمکدیر».

آروتیونووون فکرینجه، داها ایری‌مقیاسلی تعلیملر هر ایکی طرف اوچون بؤیوک ریسکلر داشییاردی:

«ارمنیستان غربین، خصوصاً ده آمریکا-نین مقاومتی ایله اوزلشه بیلردی، ایران اوچون ایسه بو جور گئنیش‌مقیاسلی مانئورلر تورکیه و آذربایجانین جواب تدبیرلری، رگیونال اسکالاسییا ایسپیرالینین داها دا سرتلشمه‌سی دئمک اولاردی».