سوریادا وطنداش محاربه‌سی زمانی ایران و روسیا کیمی ارمنستان سفیرلیی ده دمشقده فعالیت گؤستردیی حال‌دا، تورکیه و آذربایجان سفیرلیکلری بیروتا کؤچورولدو. اسد رژیمینین سقوطوندان سونرا وضعیت دییشیب و ارمنستانین دمشقده‌کی سفیرلیی باغلاناراق بیروتا، تورکیه و آذربایجان سفیرلیکلری ایسه ۱۳ ایلدن سونرا دمشقده یئنی‌دن فعالیتلرینی برپا ائدیب.

Axar.az خبر وئریر کی، بو فکرلری آنتی‌آذربایجان موقعیی ایله تانینان ایرانلی اکسپرت ولی کالجی ایران-آوراسیا آراشدیرمالار اینستیتوتونون سایتین‌دا یازیب.

او، اسدین سقوطون‌دان سونرا وضعیتین دییشدیینی و آذربایجانین بؤلگه‌ده فعاللاشماسینا دقت چکیب:

«آذربایجان اسددن سونراکی سوریادا متفقی تورکیه ایله بیرلیکده داها مهم رول اویناماق نیتینده‌دیر. تورکیه‌نین سوریانین یئنی حکومتی ایله یاخین مناسبتلری، ارمنستانین بو اؤلکه‌ده موجود اولماماسی و ضعیفله‌مه‌سی باکی اوچون اوغورلو فرصت یارادیب. سوریا پرزیدنتینین تورکیه‌یه سفریندن سونرا باکی‌یا یولا دشمسینی گؤزله‌مک اولار»، - کالجی ادعا ائدیب.