آذربایجانلا ارمنیستان آراسین‌دا صلح سازشی امضالانا و زنگزور دهلیزی آچیلارسا، چیندن لوندونا قدر تورک دنیاسینین اورتا دهلیزله باغلی امکانلاری سون درجه انکشاف ائد‌جک.

Axar.az خبر وئریر کی، بونو تورکیه‌نین آذربایجان‌داکی سفیری بیرول آکگون «آنادولو» آگنتلیینه مصاحبه‌سینده دئییب.

او، رسمی آنکارانین پروسسه دستک وئردیینی بیلدیریب.

دیپلمات سؤیله‌ییب کی، آذربایجانلا تورکیه آراسین‌دا علاقه‌لر داها دا انکشاف ائتمه‌لی‌دیر: «بو گون تجارت حجمیمیز آلتی میلیارد یاریم دلاردیر. هدف ۱۵ میلیارد دلاردیر. بو، خیال دئییل. اینتگراسیا سرعتلنرسه، قارشی‌داکی ۳-۵ ایل ایچینده بو هدفیمیزه چاتا بیلریک».

آکگون تورکیه ایله آذربایجان آراسین‌دا «بیر ملت، ایکی دولت» آنلاییشی ایله فورمالاشان علاقه‌لرین کریتیک دورلرده کونکرت نتیجه‌لره سبب اولدوغونو وورغولاییب. «ایکینجی قاراباغ محاربه‌سینده قازانیلان ظفرده آذربایجانین عزمی، تورکیه‌نین گوج‌لو معنوی و سیاسی دستیینی مهم رول اوینادی».

آذربایجانین قاراباغ و اطرافینین یئنی‌دن قورولماسی و دیرچلدیلمه‌سی استقامتینده لاییحه‌لر حیاتا کئچیردیینی خاطیرلادان سفیر تورک شرکتلرینین ده بو سعیلره بؤیوک دستک وئردیینی بیلدیریب:

«هر ایکی اؤلکه‌نین خالقلاری مناسبتلرین سویه‌سیندن خبرداردیر و بونو قیمتلندیریر. سیاسی باخیم‌دان پرزیدنتیمیز رجب طیب اردوغان و آذربایجان پرزیدنتی ایلهام علیئوین گؤستردیی گوج‌لو لیدرلیک و قارداشلیق آنلاییشی مناسبتلرین هر سویه‌سینده اؤز ایزینی قویوب. بو، ایکینجی قاراباغ محاربه‌سینده اولدوغو کیمی، تورکیه‌ده‌کی زلزله‌ده ده اؤزونو گؤستردی. زلزله زمانی آذربایجان ان چوخ ناراحات اولان و ان چوخ یاردیم گؤسترن اؤلکه ایدی. علاقه‌لریمیزی اقتصادی و مدنی باخیم‌دان درینلشدیرمه‌لی، بیر-بیریمیزی داها یاخشی باشا دوشمه‌لی، بیرگه امکداشلیق پرسپکتیوینی گوجلندیرملییک».