«آذربایجان رسپوبلیکاسی ایله چین خالق رسپوبلیکاسی آراسیندا هرطرفلی استراتژی طرفداشلیق علاقه‌لرینین قورولماسی حاقین‌دا بیرگه بیانات»ین متنینه نظر یئتیرسه‌نیز، ایکیطرفلی علاقه‌لرین گئنیش گونده‌لیینی گؤرجکسینیز. اؤلکه‌لریمیز ملی ماراقلارا عایید مسئله‌لرده همرایلیک و دوستلوق نمایش ائتدیریر. بیز بیر-بیریمیزین سوورنلیینی و اراضی بوتؤولویونو قطعیتله دستکه‌لییریک. بیز «واحید چین» سیاستینی قطعیتله دستکله‌ییریک.

Axar.az خبر وئریر کی، بو فکری آذربایجان پرزیدنتی ایلهام علیئو پکنین ج‌گ‌ت‌ن تله‌کانالینا مصاحبه‌سینده دئییب.

آذربایجانین تایوان‌دا غیری-قانونی سئچکیلری اجتماعیت قارشی‌سیندا آچیق شکیلده پیسله‌ین ایلک اؤلکه‌لر سیراسیندا اولدوغونو وورغولایان دولتیمیزین باشچیسی دئییب کی، بیاناتین دیگر حیصه‌سی تجارت، داشیمالار، خالقلاراراسی علاقه‌لر، هومانیتار طرفداشلیق کیمی چوخ سایدا مسئله‌لری احاطه ائدیر و البته کی، بو آددیم بیرگه تشبوثدور.