ایران پرزیدنتی مسعود پزشکیانین آذربایجانا چوخ‌دان گؤزله‌نیله‌ن سفری، نهایت، باش توتوب و آرازین هر ایکی تایین‌دا گئنیش دقت و ماراغا سبب اولوب.

Axar.az خبر وئریر کی، بو باره‌ده "آزاد ایران" یوتوب کانالین‌دا یاییملانان ویدئوسوژئتده قید اولونوب.

بیلدیریلیب کی، ایرانین رسمی مدیاسی سفری اساساً مثبت یؤندن تحلیل و تقدیم ائدیب، اونو ایکی اؤلکه آراسین‌دا مناسبتلرده یئنی صفحه‌نین آچیلماسی کیمی دیرلندیریب:

"بونونلا بئله، پزشکیانین باکی سفریندن، اونون آذربایجان پرزیدنتی ایله سون درجه صمیمی اونسیتیندن، ائلجه ده سفرین آیری-آیری اپیزودلاریندان ناراحات اولانلار و بونو گیزله‌ده بیلمه‌یه‌نلر ده اولدو. مثلاً، سفر بیتر-بیتمز تهران اینستیتوتو آدی ایله تانینان بئیین مرکزی "پزشکیانین باکی سفری جنوبی قافقازدا گوج دیسبالانسی کونتکستینده" باشلیقلی تحلیل درج ائدیب. آنتی‌آذربایجان و آنتی‌تورک مؤوقعیین ایفاده‌سی اولان بو مقاله‌ده ایران حکومتینه تکلیف ده وئریله‌رک یازیلیب: "ایران اسلام رسپوبلیکاسی جنوبی قافقازدا نفوذلو گوجلردن بیری کیمی رگیون‌دا تارازلیغین یارادیلماسین‌دا مهم رول اویناییر. اسرائیل آذربایجان رسپوبلیکاسین‌دا تأثیرینی آرتیرماقلا "قارشی‌لیقلی اراضی اشغالی" استراتگییاسی چرچیوه‌سینده ایرانلا همسرحد اولان آکتورلاری تهلوکه‌سیزلیک تنلیینه داخل ائتمه‌یه چالیشیر. اونا گؤره ده تکلیف اولونور کی، حاضیرکی سفر باشا چاتدیقدان سونرا قیسا مدت عرضینده پرزیدنتین ایروانا سفری حیاتا کئچیریلسین. همچنین تکلیف ائدیلیر کی، تهران و ایروان آراسین‌دا ۲۰۲۱-جی ایلده آذربایجان رسپوبلیکاسی ایله تورکیه آراسین‌دا امضالانمیش شوشا بیاننامه‌سینه بنزر بیاننامه امضالانسین".

مقاله‌دن آیدین اولور کی، مسعود پزشکیانین تئز بیر زمان‌دا ارمنیستانا سفر ائتمه‌سینه و ایرانلا ارمنیستان آراسین‌دا متفقلیک بیاننامه‌سی امضالاماسینا دایر چاغیریش احسان فلاحی آدلی مؤلفین مهری کوریدورو آدلاندیردیغی زنگزور دهلیزینین گئرچکلشمه‌سی ایله باغلی ناراحاتلیغیندان قایناقلانیر".

اطرافلی سوژئتده: