خبر وئردییمیز کیمی، اسرائیلین باش ناظیری بنیامین نتانیاهو مایین ۷-ده آذربایجانا سفر ائد‌جک. سفرین آیین ۱۱-دک داوام ائدجیی گؤزلنیلیر. عینی زمان‌دا مایین ۱۰-دا تورکیه پرزیدنتی رجب طیب اردوغانین باکییا سفر ائدجیی گؤزلنیلیر.

Axar.az خبر وئریر کی، سابق خارجی ایشلر ناظیری توفیق ذوالفوقاروو یئرلی مدیایا آچیقلاماسیندا اونلارین باکی‌دا گؤروشونون ممکون اولدوغونو بیلدیریب.

"اردوغان و نتانیاهونون گؤروشو استثنا اولونمور. گومان کی، گئنیش مذاکره‌لر اولاجاق. اسرائیل اوچون تورکیه-نین موقعیی چوخ واجبدیر. علی‌الخصوص اونا گؤره کی، آرتیق اسرائیل و ایران آراسین‌دا جدی توققوشما احتمالی چوخ یوکسکدیر. اونا گؤره اسرائیل ایستر-ایستمز تورکیه ایله بو و یا دیگر شکل‌ده مسئله‌لری حل ائتمه‌لیدیر"، - او وورغولاییب.

قید ائدک کی، «تایمز اوف اسرائیل» ده نتانیاهونون باکی‌دا تورکیه پرزیدنتی رجب طیب اردوغانلا گؤروشونون گؤزلنیلدیینی یازیب.