پرزیدنت الهام علیئو مایین ۱۳-ده تورکیه رسپوبلیکاسینین ملی مدافعه ناظری یاشار گولری قبول ائدیب.

Axar.az خبر وئریر کی، دولتیمیزین باشچی‌سی الهام علیئو پ.کا.کا ترور گروپلاشماسینین اؤزونو لغو ائتمه‌سی ایله باغلی تبریکلرینی چاتدیراراق، بونونلا علاقه‌دار تورکیه پرزیدنتی رجب طیب اردوغانی تبریک ائتدیینی وورغولادی.

پ.کا.کا ترور گروپلاشماسینین اؤزونو لغو ائتمه‌سینی تاریخی حادثه آدلاندیران و بیزی ده سئویندیردیینی دئیه‌ن آذربایجان پرزیدنتی بو مسئله‌ده تورکیه پرزیدنتینین سیاسی اراده‌سینین ان باشلیجا رول اوینادیغینی قید ائتدی. بونونلا یاناشی، دولتیمیزین باشچی‌سی وورغولادی کی، تورکیه دؤولتینین گوجو، قارداش اؤلکه‌نین سلاحلی قوه‌لرینین ترورچولارلا پئشه‌کارجاسینا مبارزه آپارماسی، تورکیه جمعیتین‌ده‌کی بیرلیک ده ترور گروپلاشماسینین بو آددیمی آتماسین‌دا اساس عامللردندیر.

دولتیمیزین باشچی‌سی دئدی کی، بو، یالنیز تورکیه اوچون دئییل، عمومی‌لیکده، بؤلگه‌ده‌کی خالقلارین صلح و امین-آمانلیق شرایطینده یاشاماسی اوچون اؤنملی مسئله‌دیر.

تبریکلره گؤره میننتدارلیغینی بیلدیره‌ن یاشار گولر ایلک نوبه‌ده تورکیه پرزیدنتی رجب طیب اردوغانین سلاملارینی دولتیمیزین باشچی‌سینا چاتدیردی.