بعضی منبع‌لره گؤره، صلح مقاویله‌سینین متنین‌ده ارمنستان اراضی‌سینده هئچ بیر باشقا دولتین حربی بازاسینین اولمایاجاغی ایله باغلی ایفاده وار. بو او دئمک‌دیر کی، دولتلرآراسی مقاویله امضالاناندان سونرا روسییا ۱۰۲-جی حربی بازاسینی ارمنستان‌دان چیخاریلمالی اولاجاق.

Axar.az خبر وئریر کی، بئله بیر ادعا ایله ارمنستانین «هراپاراک» نشری چیخیش ائدیب.

«سازیش لاییحه‌سینده بئله بیر مدعا روسییا حاکمیتینین جدی ناراضیلیغینا سبب اولوب. مایین ۹-دا موسکوادا باش ناظر پاشینیانین سویوق قارشیلانماسی، همچینین روسییا پرزیدنتی ولادیمیر پوتینله تک‌به‌تک گؤروشون اولماماسی یقین کی، بونونلا ایضاح اولونور. حالبوکی ولادیمیر پوتین همین گون تدبیره قاتیلان اکثر دولت باشچیلاری ایله آیری-آیریلیق‌دا گؤروشلر کئچیرمیشدی»، - معلومات‌دا بیلدیریلیب.

همچینین خاطیرلادیلیب کی، گومروده‌کی بازا ۱۹۹۵-جی ایلده حکومتلرآراسی راضیلاشما اساسیندا فورمالاشیب، ۲۰۱۰-جو ایلده روسییا پرزیدنتی دمیتری مدودیوین ارمنستانا سفری زامانی مقاویله‌نین مدتی ۲۰۴۴-جو ایله قدر اوزادیلیب.