ایرانین نووه ماتریاللاری اونلارلا متر قالینلیغین‌دا داغ سوخورلارینین، بتنون و پولادین آلتین‌دا باسدیریلیب.

Axar.az خبر وئریر کی، بو باره‌ده ناتو ساممیتیندن سونرا لاحه‌ده کئچیریله‌ن مطبوعات کنفرانسین‌دا آمریکا پرزیدنتی دونالد ترامپ بیلدیریب.

آمریکا کشفیاتینین ایرانین نووه ماتریاللارینی بمباردمان ائدیله‌ن اوبیکتلردن اولجه‌دن چیخارماغا موفق اولوب-اولمادیغی باره‌ده سوالا جواب اولاراق ترامپ دئییب:

"خیر، عکسینه. بیزیم فکریمیزجه، اونلارا او قدر گوج‌لو و تئز ضربه ائندیردیک کی، اونلار بو ماتریاللاری چیخارماغا ماجال تاپمادیلار. اگر سیز بو جور ماتریاللار باره‌ده نسه بیلیرسینیزسه، اوندا خبرینیز وار: اونلاری داشیماق هم چوخ چتین‌دیر، هم ده تهلوکه‌لیدیر".

آمریکا لیدرینین سؤزلرینه گؤره، نووه ماتریاللاری یئرین ۳۰-۳۵ مرتبه درینلیینده یئرلشیر:

«بیز حساب ائدیریک کی، اونلار گرانیت، بتن و پولاد طبقه‌لرین آلتیندا باسدیریلیب».