آذربایجان پرزیدنتی ایلهام علیئوله ایرانلی همکاری مسعود پزشکیان آراسیندا تلفن صحبتی اولوب.

Axar.az خبر وئریر کی، بو باره‌ده پرزیدنتین مطبوعات خدمتی معلومات یاییب.

دولتیمیزین باشچیسی ایرانلا اسرائیل آراسیندا باش وئرمیش قارشیدورما ایله علاقه‌دار اؤلکه‌میزین موقعینی و رئگیون‌دا وضعیتین گرگینلشمه‌سی ایله باغلی آذربایجانین ناراحاتلیغینی بیر داها ایفاده ائدیب.

پرزیدنت ایلهام علیئو سون حادثه‌لر زامانی ایران وطنداشلارینین هلاک اولماسی ایله علاقه‌دار باشساغلیغینی چاتدیریب، الله‌دان اونلارا رحمت دیله‌ییب، یارالانانلارین تئزلیکله ساغالمالارینی آرزولاییب.

دولتیمیزین باشچیسی ایران-اسرائیل قارشیدورماسینین دایاندیریلماسی، آتشکسین الده اولونماسی ایله باغلی مسعود پزشکیانا تبریکلرینی چاتدیریب، بؤلگه‌ده صلحون و امین-آمانلیغین واجب شرط اولدوغونو بیر داها قید ائدیب.

مسعود پزشکیان باشساغلیغینا گؤره تشکرونو بیلدیریب.

تلفن صحبتی اسناسیندا دولت باشچیلاری ایکیطرفلی مناسبتلرین پرسپئتیولری ایله باغلی فیکیر مبادیله‌سی آپاریب، مسعود پزشکیانین آذربایجانا اوغورلو سفرینی ممنونلوقلا خاطیرلاییب و سفر نتیجه‌سین‌ده الده اولونان راضیلاشمالارین حیاتا کئچیریلمه‌سی استقامتینده بیرگه سعیلرین داوام ائتدیریلمه‌سینین واجیبلیینی وورغولاییبلار.

پرزیدئنت ایلهام علیئو مسعود پزشکیانی اییولون اولینده آذربایجان‌دا کئچیریله‌جک اقتصادی امکداشلیق تشکیلاتینین (اکو) ساممیتینه بیر داها دعوت ائدیب.