آمریکا پرزیدنتی دونالد ترامپ و اسرائیلین باش ناظیری بنیامین نتانیاهو مرکب وضیعتده‌دیرلر. اونلار ایرانلا ۱۲ گونلوک محاربه نتیجه‌سینده نه قدر «ضربه‌لر نتیجه‌سینده ایرانین اورانی زنگینلشدیرمه مرکزلری محو ائدیلدی» دئسه‌لر ده، بونو ثبوت ائد‌جک فاکتلاری یوخ‌دور. ایشلری کورلایان مرکزی کشفیات اداره‌سیندن آدینین چکیلمه‌سینی ایسته‌مه‌یه‌ن منبع‌نین ایرانین اورانی زنگینلشدیرن مرکزلرینین بؤیوک ضرر گؤرمه‌مه‌سی باره‌ده مطبوعاتا اؤتوردویو معلومات اولوب. بو معلومات دونالد ترامپی حوصله‌دن چیخاریب. چونکی همین خبر ترامپین غلبه ائیفورییاسینی هئچه ائندیریب. بونا گؤره ده ترامپین تعلیماتی ایله مدافعه ناظری و باش قرارگاه رییسی واشینگتن‌دا بیرگه مطبوعات کنفرانسی کئچیریبلر. آنجاق همین کنفرانس‌دا دا ژورنالیستلرین سواللاری جواب‌سیز قالیب، ایرانین اورانی زنگینلشدیرن مرکزلرینین داغیدیلدیغینی ثبوت ائد‌ن فاکتلار و یا گؤرونتولر اورتایا قویولماییب.

Axar.az خبر وئریر کی. بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، اسرائیلین باش ناظیری بنیامین نتانیاهو دا عینی وضعیتده‌دیر:

«او، ترامپ کیمی مسئله‌یه نقطه قویولدوغونو بیلدیریب. آنجاق اسرائیل‌ده ده ایرانین داها اورانی زنگینلشدیرمیجیینه دایر شبهه‌لر وار. بین‌الخالق آتوم انرژیسی آگنتلیینین باش دیرکتورو رافائل گروسینین ایرانین اورانی یئنی‌دن زنگینلشدیره بیلجیی حاقین‌دا آچیقلاماسی شبهه‌لری داها دا آرتیریب.

بو آرادا، تهران دا سیاستینی دییشمه‌یه باشلاییب. باش‌دا عالی دینی لیدر علی خامنه‌ای اولماقلا، ایران رسمیلری و گنراللاری ۱۲ گونلوک محاربه‌دن سونرا بئله بیاناتلار وئردیلر کی، اسرائیل و آمریکا ایرانین اورانی زنگینلشدیرن مرکزلرینه ائله جدی ضرر وورا بیلمه‌ییبلر. آنجاق داها سونرا تهران‌دان فرقلی آچیقلامالار گلمه‌یه باشلاییب. ایران خارجی ایشلر ناظیری عباس عراقچی آمریکا-نین نووه اوبیکتلرینه ضربه‌لرینین گئنیش و جدی زیان ووردوغونو بیلدیریب. عینی سپکیلی آچیقلامالاری آشاغی سویه‌لی دیگر ایرانلی دیپلماتلار دا سسلندیریب. بو، تهرانین تاکتیکی گئدیشی‌دیر. چونکی ایران رسمیلری هر دفعه «ضربه‌لر نووه اوبیکتلرینه ضرر وورماییب» دئسه‌لر، بو، ترامپی و نتانیاهونو گله‌جکده ایرانا یئنی ضربه‌لره حوصله‌ندیره بیلر. بو ایسه ایران رژیمینی نوبتی سیناقلا اوز-اوزه قویار. اونا گؤره ده تهران‌دان ترامپین و نتانیاهونون نووه اوبیکتلرینین داغیدیلماسی باره‌ده فکرلرینی تصدیق ائد‌جک آچیقلامالارین سایی آرتا بیلر. ضربه‌لر نتیجه‌سینده اورانی زنگینلشدیرن مرکزلرین رئال وضعیتینی ایسه ایران‌دا چوخ دار چرچیوه بیلیر».