ایولون ۱-ده اوکراینا پرزیدنتی ولادیمیر زلنسکی آذربایجان رسپوبلیکاسینین پرزیدنتی ایلهام علیئوه زنگ ائدیب.

Axar.az خبر وئریر کی، بو باره‌ده پرزیدنتین مطبوعات خدمتینین معلوماتین‌دا دئییلیر.

ولادیمیر زلنسکی روسیانین یکاترینبورگ شهرینده آذربایجان‌لیلارا قارشی هجوملاردا هم‌وطنلریمیزین قتله یئتیریلمه‌سی ایله باغلی اوکراینا اجتماعیتینین باشساغلیغینی چاتدیریب.

دولتیمیزین باشچی‌سی باشساغ‌لیغینا گؤره منتدارلیغینی بیلدیریب.

پرزیدنت ولادیمیر زلنسکی همچنین اوکراینا وطنداشلارینین ایران‌دان تخلیه‌سی مسئله‌سینده آذربایجانین دستیینه گؤره دولتیمیزین باشچی‌سینا تشکور ائدیب.

تلفن صحبتی اسناسین‌دا اؤلکه‌لریمیز آراسین‌دا ایکی‌طرفلی مناسبتلرین پرسپکتیولرینه دایر فکر مبادله‌سی آپاریلیب، حکومتلرآراسی کومیسیانین اجلاسینین تئزلیکله باکی‌دا کئچیریلمه‌سی ایله باغلی راضیلیق الده اولونوب. آذربایجانین و اوکراینانین اراضی بوتؤولویونه و سووئرنلیینه بیر داها قارشی‌لیقلی دستک ایفاده ائدیلیب.

اوکراینا پرزیدنتی، عینی زمان‌دا، آذربایجانین اؤلکه‌سینه گؤستردیی هومانیتار یاردیملارا گؤره ده منتدارلیغینی بیلدیریب.