پیک مشاهده‌لری گؤستریر کی، اوللر آرالیق دنیزیندن کئچه‌ن و تورکیه‌دن سونرا ایرانا داخیل اولان بولودلار ایندی ایران سرحدلرینه چاتمادان باکی‌یا دوغرو یؤنلدیلیر.

Axar.az خبر وئریر کی، بونو حسین شریعتمدارینین باش رداکتورلوغو ایله چیخان علی خامنه‌ای‌نین اوفیسینین قزئتی اولان "کیهان" یازیب.

"اونا گؤره ده اؤلکه‌ده ایقلیم دییشیکلیینین باش وئرمه‌سینده دوشمنلرین مداخله‌سینین اولدوغو احتمالی وار»،- قزئت علاوه ائدیب.

«کیهان» یازینین داوامین‌دا ایران‌دا ایقلیم دییشیکلیینین باش وئرمه‌سی اوچون اسرائیلین تورکیه ایله امکداشلیق ائتدیی ده ادعا ائدیب:

«حاضردا تورکیه‌ده‌کی ۷۵ اسرائیل شرکتی ایرانین ایقلیم دییشیک‌لییی لایحه‌سینه فوکوسلانیب».

قید ائدک کی، "کیهان" علی خامنه‌اینین اوفیسینین مطبوعات اورگانی‌دیر، باش رداکتور حسین شریعتمداری ایران رهبرینین بی باشا امری ایله تعیین اولونوب و قزئت‌ده یازیلانلار علی خامنه‌اینین موقعینی عکس ائتدیریر.