ایران‌دا تورک آدلارینا قویولان محدودیتلرله باغلی آذربایجان‌لیلارین باشلاتدیقلاری "بالامین آدی" کامپانییاسی و بونونلا باغلی ایران پرزیدنتی مسعود پزشکیانا عنوانلادیقلاری مکتوبدان سونرا م. پزشکیان مسئله‌نین آراشدیریلماسی ایله باغلی گؤستریش وئریب.

Axar.az خبر وئریر کی، بو حاق‌دا "بالامین آدی" کامپانییاسی معلومات یاییب.

پرزیدنت ۱۵۷۶۱ نفرین امضالادیغی پتیسیایا جواب اولاراق ایران وطنداشلیغین قیدیاتی اداره‌سینه ده گؤستریش وئریب و آدلارا قویولان محدودیتلرین آرادان قالدیریلماسی باره‌ده ایش گؤرولمه‌سینی ایسته‌ییب.

قید ائدک کی، بیر مدت اول ایران‌دا آذربایجان، تورک آدلاری قویولان اوشاقلارا وطنداشلیغین قیدیاتی اداره‌سینین سند وئرمه‌مه‌سی ایله باغلی "بالامین آدی" آدی آلتیندا کامپانییا باشلادیلیب، پرزیدنت مسعود پزشکیانا، داخلی ایشلر ناظری و پارلامنت صدرینه آچیق مکتوب یازیلیب.

تشکیلاتچیلارین سؤزلرینه گؤره، والیدینلرین اولادلارینا آد سئچمک حقوقونون تعمین ائدیلمه‌سی ایله باغلی ایرانین «وطنداشلیق قیدیاتی حاقیندا» قانونونون ۲۰-جی ماده‌سینه دییشیک‌لیک ائدیلمه‌سی طلب ائدیلیر.