ایران واشینگتن‌دا آذربایجان، ارمنستان و آمریکا آراسین‌دا امضالانان اوچطرف‌لی بیاننامه‌یه اعتراض اولاراق، ناخچیوان‌دان باکی‌یا یوک داشییان سوروجولره تضییقلرینی گوجلندیریب.

Axar.az خبر وئریر کی، بو باره‌ده ایران مئدیاسی معلومات یاییب.

بیلدیریلیب کی، ناخچیوان‌دان یولا دوشن سوروجولر گونلرله آج-سوسوز، چؤللوک اراضی‌ده توز-تورپاق ایچینده گؤزلدیلدیکدن سونرا آذربایجانا بوراخیلیرلار.

"بورادا نه یئمک وار، نه ده سو. بیر شئی آلماق اوچون کیلومترله یولو پیادا گئتمک لازیم‌دیر. بورادا هئچ توالت ده یوخدور. بیزیمله حیوان کیمی داورانیرلار"، - دئیه، سوروجولردن بیری بیلدیریب.

سوروجولر وورغولاییبلار کی، ایران رسمیلری اونلارا، "خوشونوزا گلمیرسه، گئدین "ترامپ مارشروتو"ندان استفاده ائدین" دئییرلر.

خاطرلاداق کی، آوگوستون ۸-ده امضالانان بیاننامه‌ده آذربایجانین اساس حیصه‌سی ایله ناخچیوان آراسیندا "ترامپ مارشروتو"نون یارادیلماسی نظرده توتولور. بو یول آمریکا شرکتینین نظارتی آلتیندا اولاجاق. تهران ایسه بو تشببوسه قارشی سرت مؤقع سرگیله‌ییب.