بریتانیادا ایرانا یاخین‌لیغی ایله تانینان «اهلی-بیت اسلام میسیاسی» طرفیندن تشکیل ائدیله‌جک اوشاق یای دوشرگه‌سی تهلوکه‌سیزلیک ریسکلرینه گؤره تاخیره سالینیب.

Axar.az خبر وئریر کی، بو باره‌ده «ایران اینترنشنال»معلومات وئریب.

معلوماتا گؤره، دوشرگه بریتانییا سکاوت تشکیلاتی طرفیندن تهلوکه‌سیزلیک مسئله‌لری سببی ایله رد ائدیلیب.

«ولایت» آدلی دوشرگه‌نین ۹-۱۴ یاشلی اوشاقلار اوچون سنتیابر آیین‌دا کئچیریلمه‌سی پلانلاشدیریلیردی. دوشرگه‌نین پروگرامینا ایسه اسلام دیرلرینه دایر تعلیملر، دینی محاضره‌لر، جماعات نمازلاری و قرانین اوخونماسی کیمی فعالیتلر داخیل ایدی.

قید اولونوب کی، دوشرگه‌نین کئچیریلمه‌سی پلانلاشدیریلان اراضی بوتون شخصلرین تهلوکه‌سیزلییی اوچون پوتنسیال ریسک داشیییر و اراضی‌یه ممکن مداخله‌لرین قارشی‌سینی آلماق اوچون کفایت قدر تأمینات وئریله بیلمیر.