اورمیا گؤلونون وضعیتی فلاکتلیدیر. حاضردا گؤلون تخمیناً ۲۰۰ کوادرات کیلومتر اراضی‌سینده جمعی ۱۰۰ میلیون کوبمتر دوزلو سو قالیب، یعنی سویون درینلییی یاریم متردن ده آزدیر.

Axar.az خبر وئریر کی، بونو اورمیا گؤلونون برپاسی قرارگاهینین کئچمیش کاتیبی عیسی کلانتری دئییب.

"اورمیا گؤلو دئمک اولار کی، اؤلوب. یاخین ۱۰-۲۰ گون عرضینده بو یئرده قالان سو بوخارلاناجاق و اونون دوز یاتاغی زهرلی توزا چئوریله‌جک. بو دا آذربایجان خالقینین ساغلاملیغی، اکولوژی و حتی گنتیک فلاکتینه سبب اولاجاق"،- او اکولوژی تهلوکه باره‌ده ائدیب.

عیسی کلانتری اورمیا گؤلونون قوروماسینین ساده‌جه طبیعت حادثه‌سی و ایقلیم دییشیکلیینین نتیجه‌سی اولمادیغینی بیلدیریب:

"اورمیا گؤلو قورومادی، قورودولدو".