اؤلکه داخلین‌ده و یا مسلمانلار آراسیندا بیرلییی پوزاجاق هر بیر سؤز اصلینده اسرائیله و آمریکایا خدمت ائدیر.

Axar.az خبر وئریر کی، بو سؤزلری ایران پرزیدنتی مسعود پزشکیان اؤلکه ناظرلری ایله بیرلیکده کئچیریلن اجلاس‌دا دئییب.

«قونشولاریمیز بیزیم قارداشلاریمیزدیر. سرحدلر جغرافی بیر گئرچکلیکدیر، لاکین دینی، تاریخی و مدنی باغلاریمیز بیزی بیر-بیریمیزه سیخ شکیلده باغلاییب»، - پزشکیان بیلدیریب.

بوندان علاوه، پزشکیان اجلاس زمانی داخلی بیرلیکلرینی وورغولایاراق قید ائدیب کی، بیز و خالقیمیز بیر-بیریمیزه سیخ باغلانمالیییق:

«عقل و بیلیکله حرکت ائتسک، بوتون پروبلملری حل ائده بیلریک. بیزی دوشمن هجوملاریندان بیرلیک و بوتونلوک قورویاجاق. فرقلی‌لیکلریمیزی بیر کنارا قویمالی و قارشی‌دورمادان اوزاق دورمالیییق».