گلوبال ایقلیم دییشیک‌لییی اورتا شرق اؤلکه‌لرینی جدی سوسوزلوقلا اوز-اوزه قویوب. تورکیه و ایرانلا یاناشی، سوریادا و عراقدا دا قوراقلیق جدی ناراحاتلیق یارادیب.

Axar.az خبر وئریر کی، ایران پرزیدنتی مسعود پزشکیان اؤلکه‌ده سو احتیاطلارینین «تعجب‌لو درجه‌ده» توکندیینی آچیقلاییب: «اگر حلی اولان وارسا، ایر‌لی چیخسین. بیزیم باشقا سئچیمیمیز یوخدور.

بئش ایللیک قوراق‌لیق و یوکسک تمپراتور باراژلاری دئمک اولار کی، تمامیله قورودوب، یئرآلتی سو احتیاطلاری ایسه جدی تهلوکه سیگنالی وئریر.

تورکیه‌ده ده وضعیت کریتیکدیر. متورولوگیا معلوماتلارینا گؤره، ۲۰۲۴-۲۰۲۵ سو ایلینده اؤلکه اوزره یاغیشلار سون ۵۲ ایلین ان آشاغی سویه‌سینه دوشوب. قوراقلیق کند تصروفاتینا آغیر ضربه ووروب.

اکسپرتلر خبردارلیق ائدیرلر کی، سو بحرانی یالنیز کند تصروفاتینی دئییل، همچینین تکستیل، ارزاق سکتورلارینی و انرژی رسورسلارینی دا تهلوکه‌یه آتیر. عینی زمان‌دا قوراقلیق سوسیال ناراحاتلیق، میقراسییا و رگیونال سابیتلیین پوزولماسینا سبب اولا بیلر.

سوریادا سون ۱۰ ایلده داوام ائد‌ن محاربه و اینفراستروکتورا زیان قوراق‌لیغی داها دا درینلشدیریب. ۲۰۲۳-۲۰۲۴-جو ایللرده اؤلکه‌ده یاغیشلار اورتالامانین ۵۰%-ی قدر آز اولوب.

عراق‌دا دا تیگریس و فرات چایلارینین دبی‌سینین آزالماسی، گونئی بؤلگه‌لرده تورپاغین دوزلاشماسینا و محصولدارلیغین دوشمه‌سینه سبب اولوب. ۲۰۲۴-۲۰۲۵ سو ایلین‌ده اؤلکه‌ده یاغیشلار اورتالامانین ۴۰%-ی قدر آزالیب.

اکسپرتلر وورغولاییر کی، قوراقلیغین یاراتدیغی ریسکلرین آرادان قالدیریلماسی اوچون صونعی سو رسورسلاری، معاصر سو اداره‌چی‌لییی، قوراقلیغا داواملی بیتکی نولری و رگیونال امکداشلیق ضروری‌دیر.