ایران دمیر یوللارینین رهبری جبار علی زاکری سردرودی ارمنی همکاری ایله گؤروشوب.

Axar.az خبر وئریر کی، بو باره‌ده ایران مئدیاسی معلومات وئریب.

گؤروش‌ده ام.د.ب مکانیندا دمیر یولو نقلیاتی ساحه‌سینده امکداشلیغین گئنیشلندیریلمه‌سی و ایرانین ایروان اوزریندن روسیایا چیخیش مارشروتونون آچیلماسی مذاکره اولونوب.

معلوماتا گؤره، طرفلر دایانیقلی دمیر یولو داشیمالارینین تشکیلی، مارشروت اوزره داشینا بیله‌جک یوکلرین معین ائدیلمه‌سی و اکسپدیتور شرکتلرین فعالیتینین ایشه سالینماسی مسئله‌لرینه توخونوبلار.

دانیشیقلاردا آذربایجان و ارمنستان آراسیندا الده اولونموش سون راضیلاشما کونتکستین‌ده، شمال-جنوب دهلیزینین ناخچیوان مارشروتو اوزریندن آچیلماسینین ممکنلویو قید اولونوب. بو آددیمین ایران–روسییا دمیر یولو علاقه‌لرینین قورولماسینا شرایط یارادا بیلجیی وورغولانیب. طرفلر نوبتی گؤروشون یاخین واختلاردا تهران‌دا کئچیریلمه‌سی باره‌ده راضیلیغا گلیبلر.