ایران‌دا یاشی ۴۵-دن یوخاری اولان قادینلارین ۴%-ی و کیشیلرین ۱۴% -ی سوبای‌دیر.

Axar.az خبر وئریر کی، بو حاق‌دا ایران گنجلر و ایدمان ناظرلیینین معلوماتین‌دا بیلدیریلیب.

ناظرلیین معلوماتینا گؤره، ۴۵ یاشدان آشاغی یاش گروپون‌دا ۹،۵ میلیون کیشی و ۷،۵ میلیون قادین هله ده عائله قورماییب.

متخصصلر خبردارلیق ائدیر کی، بو تندنسییانین داوام ائتمه‌سی دوغوش گؤستریجیلرینین آزالماسینا، اهالینین قوجالماسینا، تنهالیغین آرتماسینا و عائله اینستیتوتونون پوزولماسینا گتیریب چیخارا بیلر.

قید ائدک کی، بوندان اؤنجه ایران ایستاتیستیکا مرکزینین یایدیغی معلوماتا گؤره، سون ۱۰ ایلده اؤلکه‌ده ائوله‌نمه سایی ۳۳% آزالیب، بوشانما سایی ایسه ۲۲% آرتیب.

ایران پرزیدنتی مسعود پزشکیانین داها اول بیلدیردیینه گؤره، گنجلر آراسیندا عائله قورانلارین سایینین آزالماسی و بوشانما سایینین آرتماسینین اساس عامللریندن بیری ایشسیزلیک و گله‌جه‌یه اومیدسیزلیکدیر.