بلچیکانین پایتختی بروکسل شهرینده ایران حکومتینین مخالف گروپو ساییلان ایران خالق مجاهدلری تشکیلاتینین گئنیش میتینگی کئچیریلیب.

Axar.az خبر وئریر کی، بو حاق‌دا ایران مقاومت شوراسی معلومات یاییب.

معلوماتا گؤره،بروکسلین آنمیوم میدانیندا کئچیریلن میتینگه مینلرله انسان قاتیلیب.

ایران خالق مجاهیدلری تشکیلاتینین یارانماسینین ۶۰-جی ایلینه حصر اولونان میتینگده بیر نئچه تانینمیش سیاستچی ده اشتراک ائدیب.

اونلارین آراسیندا دونالد ترامپین پرزیدنتلیینین ایلک دؤنمینده کئچمیش ویتسه‌پرزیدنت اولان مایک پنس، بلچیکانین کئچمیش باش ناظری قای وئر هوفستادتر و بریتانییا اجمالار پالاتاسینین کئچمیش صدری جون برکوو دا اولوب.

ازدحام‌لی میتینگده ایران مقاومت شوراسینین رهبری مریم رجوی و قوناقلار چیخیش ائدیب.

چیخیش‌چیلار بوتون سیاسی محبوسلارین آزادلیغا بوراخیلماسینی، اؤلوم حکمونون لغوینی، غربین ایرانلا گذشتلی داورانماسینا سون قویولماسینی، ایران خالقلارینین اعتراض عصیانلارینا دستک وئریلمه‌سینی، سپاهین ترورچو گروپلار سیاهیسینا سالینماسی و ایران‌دا دموکراتیک حکومته کئچید اوچون مخالفتین دستکله‌نمه‌سینین واجیبلیینی وورغولاییبلار.

قید ائدک کی، یاریم حربی قورولوشا مالک، اسلام‌چی و سولچو سیاسی ایدئولوگیایا مالک ایران خالق مجاهدلری تشکیلاتی ۱۹۶۵-جی ایلین سنتیابر آییندا قورولوب.

خالق مجاهدلری تشکیلاتی "ایران ملی مقاومت شوراسی"نین ان بؤیوک حیصه‌سینی تشکیل ائدیر و رهبرلییی پاریسده یئرلشیر.