قطرین پایتختی دوحه‌ده کئچیریلن ساممیت‌ده ایران پرزیدنتی مسعود پزشکیانلا تورکییه پرزیدنتی رجب طایییب اردوغانین صمیمی گؤروشو ایرانین بیر نئچه آپاریجی مئدیا اورگانینین تنقیدی ایله قارشیلاشیب.

Axar.az خبر وئریر کی، بونونلا باغلی ایرانین «تابناک»، «مشرق نیوز»، «دونیای اقتصاد» و باشقا بیر نئچه نشرینده ماتریال درج اولونوب.

بو مئدیا قوروملاری مسعود پزشکیانین اردوغانلا صمیمی رفتارینی ایران پرزیدنتینین «ضعیفلیک علامتی» حساب ائد‌رک، اونو هدفه آلیبلار.

بونونلا یاناشی مسعود پزشکیانین سیاسی رقیبلرینه منصوب سوسیال مئدیا کاناللاریندا دا اوخشار اتهاملار سسله‌ندیریلیب، پزشکیانین اردوغانا قارشی مناسیبتی‌نین هر ایکیسی‌نین تورک اولماسی ایله علاقه‌لی اولدوغو وورغولانیب.

قید ائدک کی، مسعود پزشکیانین آذربایجان رسپوبلیکاسینین پرزیدنتی ایلهام علیئوله ده صمیمی گؤروشو آدی چکیلن مئدیا قوروملارینین غیر نرمال رئاکسیاسینا سبب اولموشدو.