ایران‌دا قادینلارین مجبوری حجابی ایله باغلی ضدیتلی آچیقلامالار یئنی‌دن گوندمده‌دیر. بو، آذربایجان مدیاسین‌دا و سوسیال شبکه‌لرده یانلیش اولاراق حجابی مجبوری ائد‌ن موافق قانونون لغوی کیمی تقدیم ائدیلیر. اصلینده ایسه بئله دئییل.

Axar.az خبر وئریر کی، بو سؤزلری تلگراف-آ آچیقلاماسین‌دا Axar.az سایتینین گونئی بؤلمه‌سینین مسئول رئداکتورو علیرضا زمانی دئییب.

او، مصلحت شوراسینین عضوو محمد رضا باهنرین مطبوعات کنفرانسین‌داکی آچیقلامالارینین یانلیش شرح ائدیلدیینی بیلدیریب:

"باهنر آچیق شکل‌ده بیان ائتدی کی، آرتیق ایران‌دا مجبوری حجاب قانونونون اجراسی دایاندیریلیب. او، مجبوری حجاب طرفداری اولمادیغینی دا وورغولادی. حتی بیان ائتدی کی، اؤزو هئچ واخت بونا اینانماییب و یئنه ده اینانمیر. باهنر همچنین، سیستمین «ملی قرارلارینا» توخوناراق، مجبوری حجابین آرتیق دولت طرفیندن اجرا اولونمادیغینی دقته چاتدیردی.

بو، پرزیدنت پزشکیانین دا موقعیی ایله اوزلاشیر. تخمیناً بیر آی اول تلویزیا پروگرامین‌دا دانیشان ایران پرزیدنتی مسعود پزشکیان دئمیشدی کی، پارلامنتین تصدیقلدیی «حجاب و عفت» قانونونون تطبیقی دایاندیریلیب. او، بو قرارینی بئله اساسلاندیرمیشدی: "من جمعیتده محاربه و دؤیوشه سبب اولا بیله‌جک بیر قانونو تطبیق ائده بیلمزدیم». پزشکیانین بو موقعیی اؤلکه رهبرلیینده ده حجاب مسئله‌سینده فرقلی یاناشمالارین اولدوغونو گؤستریر".

اکسپرتین سؤزلرینه گؤره، حقوقی باخیم‌دان وضعیت تمام فرقلی‌دیر:

"اسلام جنایت مجلله‌سینین ۶۳۸-جی مادده‌سینه اساساً، «اجتماعی یئرلرده حجاب‌سیز گؤرونه‌ن» قادینلار ۱۰ گوندن ۲ آیا قدر حبس و یا ۶۰۰ مین تومندن ۳ میلیون تومنه قدر جریمه ایله اوزلشه بیلرلر. بوندان باشقا، دولت قوروملارین‌دا و رسمی اداره‌لرده حجاب قایدالاری هله ده مجبوری شکل‌ده تطبیق اولونور. بئله‌لیکله، قانون قوه‌ده‌دیر، اما اجرا اولونمور. بو دا هم حقوقی، هم اجتماعی محیط‌ده جدی قاریشیقلیق یارادیر.

سون ایللرده ایران‌دا قادینلارین حجابا قارشی کوتلوی اعتراضلاری باش وئریب. «مهسا امینی حرکاتی» کیمی تاریخه دوشه‌ن اعتراضلاردا یوزلرله انسان حیاتینی ایتیریب. ایندی باهنر و پزشکیانین آچیقلامالاری بو مذاکره‌لری یئنی‌دن آلوولاندیریر. بعضی دایره‌لر بونو «اصلاحاتچی آددیم» کیمی قیمتلندیریر، دیگرلری ایسه «سیستمین ایدئولوژی دایاقلارینا ضربه» حساب ائدیر.

ایرانین موجود وضعیتینده مجبوری حجاب قانونو کاغیذ اوزرینده یاشاییر، اما اجرا استروکتورلاری سوییه‌سینده «اؤلو قانونا» چئوریلیب.

بو، بیر داها گؤستریر کی، ایران‌دا حجاب مسئله‌سی یالنیز دینی و مدنی دئییل، هم ده سیاسی و حقوقی بحران موضوع‌سونا چئوریلیب".

قید ائدک کی، اؤتن گون آذربایجان مدیاسی سوسیال شبکه‌لره استنادلا ایران‌دا مجبوری حجاب حاقین‌دا قانونون لغو ائدیلدیی حاق‌دا معلومات یایمیشدی.