ایران پرزیدنتی مسعود پزشکیانین اورمیایا سفری چرچیوه‌سینده کئچیردیی گؤروش زمانی اونون موعاوینی محمد جعفر قایمپناهین غربی آذربایجان ایالتینین آدینی تحریف ائتمه‌سی آذربایجان‌لی سوسیال مئدیا استفاده‌چیلرینین گئنیش اعتراضی ایله قارشیلاشیب.

Axar.az خبر وئریر کی، بو حاق‌دا یئرلی سوسیال مئدیا کاناللاری معلومات و ویدئولار یاییب.

یاییلان ویدئولاردا ایجرا ایشلری اوزره ویتسه-پرزیدنت و پرزیدنت آدمینیستراسییاسینین رهبری محمد جعفر قایمپناه غربی آذربایجان ایالتینی "غربی آذر" ایالتی آدلاندیریر.

اصلن کیرمانشاه‌دان اولان میلیتجه کورد وتسه-پرزیدنت چیخیشینین داوامین‌دا ایسه "اورمیا ایالتی" افاده‌سین‌دن ایستیفاده ائتسه ده، پرزیدنت و گؤروش‌ده اشتراک ائد‌ن باشقا رسمیلر و ملت وکیللری اونون بو افاده‌لرینه ایراد بیلدیرمیرلر.

قید ائدک کی، اوزون ایللردیر کورد ملت وکیللری غربی آذربایجان ایالتینین آدینین دییشدیریله‌رک "اورمیا ایالتی" آدلاندیریلماسینی طلب ائدیرلر.

بو، خصوصاً کئچمیش پرزیدنت حسن روحانی دورونده داها گئنیش گونده‌مه گلیب و روحانی اورمییایا سفری زمانی غربی آذربایجانی "اورمیا ایالتی" آدلاندیریب.