ائوین حبسخاناسین‌دا ساخلانیلان ملی فعال ودود اسدی حبسخانا رهبرلیینین اونون و باشقا محبوس فعاللارین معالجه‌سینه اجازه وئرمه‌دیینی بیلدیریب.

Axar.az خبر وئریر کی، او، بو حاق‌دا حبسخانادان یایدیغی مکتوب‌دا معلومات وئریب.

"اوزون مدت اول معالیجه اوچون قیدیاتا آلینسام دا، حبسخانا فورماسی، ال و آیاق قاندالی ایله خستخانایا آپاریلماغیما اعتراض ائتدییم اوچون معالجه حقوقوم لغو ائدیلیب"،- اسدی یازیب.

او، محبوسلارا، خصوصاً سیاسی محبوسلارا قارشی گیروو و حربی اسیرلر کیمی داورانیلدیغینی، انسان لیاقتینین آلچالدیلدیغینی بیلدیریب:

"بو مکتوب واسطه‌سیله حبسخانا رهبرلیینه اعتراضیمی بیلدیریر، ائوین حبسخاناسین‌دا سیاسی محبوسلارن طبی خدمت‌دن محروم ائدیلمه‌سینی انسان شرف و لیاقتینه ضد تضییق حساب ائدیرم".

ودود اسدی ائوین حبسخاناسین‌دا ساخلانیلان باشقا آذربایجانلی محبوسلار صنعتچی مرتضی پروین و وکیل طاهر نقوینین ده آغیر وضعیتده اولدوقلارینی یازیب، حبسخانا رهبرلیینین اونلارین معالجه‌سینه اجازه وئرمه‌دیینی بیلدیریب.