ایران، اسرائیلین ان وارلی وطنداشی اعیال اوفردن، اونونلا علاقه‌لی آریس آدلی یوک گمی‌سینی اله کئچیردیک‌دن سونرا ۱۷۰ میلیون دلار طلب ائدیب.

Axar.az خبر وئریر کی،بو باره‌ده ایران مئدیاسی معلومات یاییب.

۲۰۲۴-جو ایلین آپرلین‌ده سپاه طرفیندن فارس کؤرفزینده اله کئچیریلن گمی، ایسوئچره‌نین م‌س‌ج شیرکتی طرفیندن ایداره اولونور. تهران، اوفری "تروریزمی مالیه‌لشدیرمکده" اتهام ائد‌رک، گمینین صاحبی ایله علاقه‌لرینی قید ائدیب.

«اله کئچیریلن گمینین ایشی اتهام آکتی ایله محکمه‌یه گؤندریلیب و تروریزمی مالیه‌لشدیرمک‌ده گوناهلاندیریلان اونون اسرائیل اصیللی صاحبی اوچون ۱۷۰ میلیون دلاار جریمه طلب اولونوب»،-ایرانین محکمه-عدلیه سیستمی‌نین سؤزچوسو اصغر جهانگیر بیلدیریب.

قید ائدک کی، فوربس طرفیندن ۲۰۲۴-جو ایلده ۲۸،۲ میلیارد دلار ثروتی ایله اسرائیلین ان وارلی انسانی اولاراق تانینان اعیال اوفر، ژنوده یئرلشن م‌س‌ج ایله علاقه‌لرینه گؤره هدف آلینیب. ایران محکمه‌سی، اوفرین اوزرینده‌کی اتهاملارلا باغلی ایشین حاضردا محکمه‌ده باخیلدیغینی آچیقلاییب، لاکین محکمه تاریخی هله معیینلشدیریلمه‌ییب.