ایران‌دا انسان حاقلاری وضعیتی گؤرونممیش درجه‌ده پیسلشیب، اسلام رسپوبلیکاسی ایون آییندا اسرائیل حربی هجوملاریندان سونرا اعدام سایینی آرتیرماق، بین‌الخالق سویه‌ده رپرسیالار و وطنداش جمعیتینی جدی شکیلده محدودلاشدیرماقلا انسانلیغا قارشی جنایتلر یولونا قدم قویوب.

Axar.az خبر وئریر کی، بونو ب.ام.ت-نین ایران‌دا انسان حاقلاری اوزره خصوصی معروضه‌چیسی مای ساتو دئییب.

اوکتیابرین ۳۰-دا نیویورک‌دا کئچیریلن ب.ام.ت باش آسامبلیاسینین اوچونجو کمیته‌سینده چیخیش ائد‌ن ساتو بیلدیریب کی، ایران خالقی ایکی جبهه‌نین قربانی‌دیر:

"ایران جمعیتی بیر طرف‌دن خاریجی حربی هجوملار، دیگر طرفدن ایسه اؤز حکومتی طرفیندن داخلی رپرسییالارین قربانینا چئوریلیب".

ب.ام.ت نماینده‌سی، ایران‌دا گنیش‌مقیاس‌لی اعداملاری، "یئنی جاسوسلوق قانونو"نون قبول ائدیلمه‌سینی و کوتلوی حبسلرین آرتماسینی سرت تنقید ائدیب.

خصوصی معروزچینین سؤزلرینه گؤره، یئنی جاسوسلوق قانونونون قبول ائدیلمه‌سی اعدام جزاسینا معروض قالا بیله‌جک فعالیتلرین احاطه دایره‌سینی گئنیشلندیریب، و یئنی قانونا گؤره حتی خاریجی مئدیا ایله علاقه و یا کیبرمکان‌دا معلومات یایماق‌دا جنایت حساب ائدیلیر.

او علاوه ائدیب کی، ۲۰۲۵-جی ایلین ایلک اون آیین‌دا ایران‌دا ۱۲۰۰-دن چوخ اینسان، یعنی گون‌ده اورتا حسابلا دؤرد نفر اعدام ائدیلیب.

ساتو بیلدیریب کی، اعداملارین یالنیز سککیز فایزی رس‌می اولاراق بیلدیریلیر و رئال رقم داها یوکسک اولا بیلر:

ساتو ایران حبس‌خانالاریندا شلاق جزاسی، گیلیوتینله بارماقلارین کسیلمه‌سی و ایشگه‌نجه آلتیندا اعترافلارین آلینماسی حاللارینا دقت چکیب، شبهه‌لی اؤلوملرین، محبوسلارین طبی خدمتلردن محروم ائدیلمه‌لری فاکتلارینین دا آرتدیغینی بیلدیریب.

ساتونون سؤزلرینه گؤره، یاخینلاری ایشگه‌نجه و طبی خدمت گؤستریلمه‌مه‌سی سببین‌دن اؤلدورولن عائله‌لر حکومتین تضییقی نتیجه‌سینده بونو اجتماعی‌لشدیره بیلمیر و اؤلوم سببلرینین دییشدیریلمه‌سینه راضی‌لیق وئریر.

ب.ام.ت نماینده‌سی ایران حکومتینی اعداملاری درحال دایاندیرماقلا، قادینلارا قارشی آیری-سئچکی‌لیک قانونلارینی لغو ائتمکله و فوندامنتال آزادلیقلاری تعمین ائتمکله اجتماعی اعتیمادین برپاسی یولونا باشلاماغا چاغیریب:

«ایران خالقی صلحه، لیاقت‌لی یاشاماغا و عدالته لایق‌دیر و بین‌الخالق اجتماعیت اونلارین یانیندا اولمالیدیر».