دونن نیابرین ۳-ده آذربایجان رسپوبلیکاسینین پرزیدنتی الهام علیئوین آذربایجان ملی علملر آکادمیاسینین ۸۰ ایللیک یوبیلئی ییغینجاغینداکی چیخیشی گونئی آذربایجان و ایران‌دا یاشایان تورکلرین سوسیال مئدیا کاباللاریندا گئنیش یاییلیب.

Axar.az خبر وئریر کی، بو، گونئی آذربایجان سوسیال مئدیا کاناللاری ایله یاناشی قاشقایی تورکلرینین سوسیال مئدیا ایستیفاده‌چیلرینین ده گئنیش رغبتی ایله قارشیلاشیب.

قاشقایی تورکلرینه مخصوص مئدیا اورگانلارین‌دا، خصوصاً "بایداق" کانالیندا الهام علیئوین آذربایجان دیلی ایله باغلی چیخیشینین پایلانماسیندان سونرا، چیخیشین همین حیصه‌سی اونلارلا باشقا سوسیال مئدیا کانالین‌دا دا پایلاشیلیب، گئنیش رغبتله قارشیلاشیب:

"هر بیر ملت، هر بیر خالق اوچون اونون آنا دیلی اونون ملی منصوبیتینین اساس عاملی‌دیر و بو استقامت‌ده بوتون اجتماعی فعاللار، بوتون اجتمایت بیر نقطه‌یه وورمالیدیر. بیزیم دیلیمیز قدیم‌دیر. یئنه ده دئییرم، ۵۰ میلیوندان چوخ انسان اوچون آنا دیلی‌دیر، چوخ زنگیندیر و خاریجی کلمه‌لره احتیاج دا یوخدور".