ایران‌دا حبس‌ده اولان بریتانیالی جوتلوک کریگ و لیندسی فورمن آجلیق آکسیاسی کئچیریرلر.

Axar.az خبر وئریر کی، بو حاق‌دا اونلارین اوغلو جو بنت بی.بی.سی مصاحبه‌سینده بیلدیریب.

آنا و آتالیغینین قانون‌سوز حبسلرینه دقت جلب ائتمک اوچون آجلیق آکسیاسینا ال آتدیقلارینی دئین بنت، ایران محکمه‌سینین اونلارا قارشی ایر‌لی سوردویو اتهاملاری گولونج آدلاندیریب.

"والیدینلریم بریتانیا و ایران حکومتلرینین یادیندان چیخیب و تالعین امیدینه بوراخیلیبلار. اونلار آغیر شرایط‌ده ساخلانیلسالار دا، حکومتلر نوبتی آددیملارینی پلانلاشدیریرلار. بو، هر ایکی حکومتین البیر اولدوغو دئمکدیر"،- جو بنت بیلدیریب.

قید ائدک کی، موتوسیکلتله دونیا تورونا چیخان کریگ و لیندسی فورمن جاری ایلین یانوار آییندا ایرانین کیرمان ایالتیندن کئچدیکلری واخت ساخلانیلیبلار.

جاسوسلوق‌دا اتهام اولونان بریتانیالیلار حاضردا تهرانین اوین حبس‌خاناسین‌دا ساخلانیلیرلار.