بو گون آمریکا دولت دپارتامنتی، هیندیستان، پاناما و سئیشل آدالاری دا داخل اولماقلا بیر نئچه اؤلکه‌ده فعالیت گؤستره‌ن ۱۷ شخص، تشکیلات و گمینی ایرانین نفت و نفت محصوللارینین ساتیشیندا اشتراک ائتدیکلری سببیندن سانکسیا سیاهیسینا داخیل ائتدیینی آچیقلاییب.

Axar.az خبر وئریر کی، بو باره‌ده آمریکا دولت دپارتامنتی و مالیه ناظرلییی آچیقلاما وئریب.

واشینگتن، بو آددیمین ایرانین بین‌الخالق مالیه شبکه‌لرینده‌کی فعالیتلرینی دستکله‌یه‌ن قوروملارا قارشی یئنی بیر مبارزه اولدوغونو وورغولاییب، بو شخصلرین و قوروملارین "ایرانین نفت ساتیشلاری واسطه‌سیله ترورچولوغو و دیگر قانون‌سوز فعالیتلری مالیه‌لشدیرمک مقصدی ایله عملیاتلار آپاردیقلارینی" بیلدیریب.

سانکسیالار بیر هوا یولو شیرکتی و اونون فیلیاللارینا دا شامیل ائدیلیب. آمریکا مالیه ناظرلییی مختلف اؤلکه‌لرده یئرلشن ۴۱ شخص، قوروم، گمی و طیاره‌لره ده سانکسیا تطبیق ائد‌رک، ایرانین نفت اخراجینا قارشی مبارزه‌نی گوجلندیرمک نیتین‌ده‌دیر.