پرزیدنت مسعود پزشکیان اؤلکه رهبری علی خامنه‌اینین اجازه‌سی و سعودیه عربستانی ولیعهدی محمد بن سلمان واسطه‌سیله آمریکا پرزیدنتی دونالد ترامپا مکتوب گؤندریب.

Axar.az خبر وئریر کی، بونو ایران پارلامنتینین کئچمیش عضوو مصطفی کواکبیان "عصر ایران" سایتینا مصاحبه‌سین‌ده دئییب.

"بن سلمان آمریکا پرزیدنتینه واشینگتنا سون سفری زمانی بو مساژی چاتدیریب و مکتوبدا پزشکیان ایرانین ایلکین شرط اولمادان دانیشیقلارا حاضر اولدوغونو نظره چاتدیریب"،- ایران‌لی سیاستچی ادعا ائدیب.

قید ائدک کی، سعودیه منبع‌لری ده مکتوبون آلیندیغینی تصدیقله‌ییبلر، آنجاق اونون مزمونو ایله باغلی آچیقلاما وئرمه‌ییبلر.

عینی زمان‌دا، ایران خارجی ایشلر ناظرلیینین سؤزچوسو اسماعیل بقایی دونن مئدیایا وئردیی آچیقلامادا مکتوبون آمریکا ایله واسطه‌چیلیک حاقین‌دا اولمادیغینی ادعا ائدیب و یالنیز سعودیه عربستانی ایله ایکی طرف‌لی مسئله‌لری احتیوا ائتدیینی سؤیله‌ییب.