ایران پارلامنتینین ۱۵۵ ملت وکیلی مجبوری حجاب قایدالارینین سرتلشدیریلمه‌سی و "عفت و حجاب مدنیتینین تشویقی" حاقین‌دا قانونون اجراسینین تطبیقی طلبی ایله اؤلکه‌نین محکمه سیستمینین باشچی‌سی غلامحسین محسنی اژه‌ای‌یه مکتوب یازیب.

Axar.az خبر وئریر کی، بو حاق‌دا ایران مئدیاسی معلومات یاییب.

"حاکمیت‌ده‌کی بعضی مأمورلارین قانونلارین اجراسیندا، ائلجه ده محکمه اورگانلارینین موجود قانون و قایدالارین اجراسیندا سریشته‌سیزلییی بؤیوک نقصاندیر. بعضی مأمورلارین و حاکملرین موتیواسیاسینین اولماماسی، اخلاقسیزلیغین گئتدیکجه آرتماسینا و اسلام انقلابینین دوشمنلرینین سوسیال سویه‌ده چیلپاق‌لیق حرکاتی باشلاتماق پلانلارینا سبب اولوب"،- مکتوب‌دا یازیلیب.

ملت وکیللری کشفیات و تهلوکه‌سیزلیک ناظرلیینین حجاب‌سیزلیقلا باغلی اؤلکه رهبری و پرزیدنته تقدیم ائتدیی حساباتا توخوناراق، حجابسیزلیغین حاکمیتی دئویرمک اوچون واسطه‌لرده بیری اولدوغونو ادعا ائدیبلر.

قید ائدک کی، تهلوکه‌سیزلیک و کشفیات ناظرلیینین علی خامنه‌ای‌یه حساباتی و خامنه‌ای‌نین بونو شوک آدلاندیرماسیندان سونرا، مسعود پزشکیان دا حجابلا باغلی سون چیخیشیندا فرقلی مؤقع نماییش ائتدیریب.

او، مجبوری حجاب قایدالارینین پوزولماسینی "بدنی سرگیله‌مک و چیلپاق‌لیق" آدلاندیریب، حجابین "یارادیجی‌لیق، قابیلیت، بیلیک و دوروستلوک سیموولو" کیمی تقدیم ائدیلمه‌سینی توصیه ائدیب.