آمریکا دولت دپارتامنتی ۳ دکابر تاریخینده اسلام رسپوبلیکاسینین ایکی کیبر عملیاتچی‌سی فاطمه صدیقیان کاشی و محمد باقر شیرین‌کار حاقین‌دا معلومات اوچون ۱۰ میلیون دلار مکافات تعیین ائدیب.

Axar.az خبر وئریر کی، بو حاق‌دا دولت دپارتامنتینین بیاناتیندا بیلدیریلیب.

«عدالت مکافاتلاری» پروگرامینا اساساً، آدی چکلن ایکی شخصین خارجی حکومتین گؤستریشی ایله حرکت ائتمکده، کومپوتر فیریلداقچی‌لیغی و سوءاستفاده ایله باغلی قانونلاری پوزماقدا اتهام اولوندوقلاری و آمریکانین واجب اینفراستروکتورونا قارشی هجوملاردا اشتراک ائتدیکلری قید اولونوب.

رسمی آچیقلامایا گؤره، صدیقیان و شیرینکار انقلاب کشیک‌چیلرینین کیبرالکترونیکا بؤلمه‌سی ایله علاقه‌لی اولان و اوللر آمریکانین حساس صنایع و اینفراستروکتور اوبیکتلرینه هجوملارا گؤره واشینگتن طرفیندن هدفه آلینان «شهید شوشتری» کیبرگروپونون عضولریدیر.

آمریکا دولت دپارتامنتی اونلارین شخصیتینین و یئرینین معین ائدیلمه‌سینه و یا فعالیتینین پوزولماسینا سبب اولان معلوماتلارین مکافاتا لایق گؤرولجیینی بیلدیریب، شرطلر یئرینه یئتیریلدیی تقدیرده، معلومات منبعیینین کؤچورولمه‌سی و دستکله‌نمه‌سی احتمالینین دا اولدوغونو آچیقلاییب.