ترکیه پلیسی کئچیردیی گئنیش عملیات نتیجه‌سینده مشهور ایران‌لی سحرباز عارف غفوری و باشقا بیر نئچه نفری حبس ائدیب.

Axar.az خبر وئریر کی، بو حاق‌دا ترکیه‌نین «سی.ان.ان تورک» تله‌کانالی معلومات یاییب.

معلوماتا گؤره، غفوری و باشقا ساخلانیلانلار ایستانبول فوند بیرژاسیندا صنعی دالغالانمالار یاراتماقدا اتهام اولونوبلار.

سی.ان.ان تورک-ون معلوماتینا گؤره، ایستانبولون مالیه پلیسی پروکورورلوقلا کووردیناسیالی شکیلده و کاپیتال بازارلاری شوراسینین حساباتلارینا اساساً، استانبول فوند بیرژاسیندا بعضی سیمووللاری مانیپولیاسییا ائتمکله ساختا قیمتلر و غیری-رئال منفعت یارادان بیر شبکه معین ائدیب. بئش ایالت‌ده عینی واخت‌دا آپاریلان عملیاتلار زمانی عاریف غفوری ده داخل اولماقلا ۱۲ نفر حبس ائدیلیب.

بو ایش، سون ایللرده ترکیه‌ده مالیه جنایتلری و کاپیتال بازارینین مانیپولیاسییاسی ساحه‌سینده ان گئنیش‌مقیاس‌لی عملیاتلاردان بیری حساب اولونور.

استانبول پروکورورلوغونون معلوماتینا گؤره، غفوری و بیر نئچه دیگر تقصیرلندیریلن شخص حبس قراری ایله حبسخانایا گؤندریلیب. بیر نئچه دیگر تقصیرلندیریلن شخص ده سیاحت محدودیتلری و ائو دوستاقلیغی ایله آزادلیغا بوراخیلیب. هله ده آزادلیق‌دا اولان دیگر تقصیرلندیریلن شخصلرله باغلی آراشدیرمالار داوام ائدیر.