ایرانین امیرآباد لیمانین‌دا لوبر سالمیش گمیده چالیشان روسیالی دنیزچیلر آرتیق بیر نئچه آیدیر ساحله چیخمالارینا اجازه وئریلمدیینی و امک حاقلارینین اؤدنیلمدیینی بیلدیریرلر.

Axar.az خبر وئریر کی، اکیپاژ عضولریندن بیرینین روسیا مدیاسینا وئردیی معلوماتا گؤره، دنیزچیلر آلتی آی اول ایران شیرکتی ایله رسمی مقاوله امضالاییبلار.

سنده اساساً، اکیپاژ دؤرد آی ایشله‌مه‌لی، بئشینجی آیدا ایسه ساحله چیخاراق وطنه قاییتمالی ایدی. لاکین طرفلر ایشه باشلایاندان آز سونرا امک حاقی اؤدنیشلرینده گئجیکمه‌لر یارانیب.

گمی سنتیابر آییندا پلان اوزره ایرانین امیرآباد لیمانینا داخل اولوب. بوندان سونرا شرکت کماندانین ساحله چیخماسینا قاداغا قویوب.

دنیزچیلر بیلدیریرلر کی، گمیده ساغلاملیق پروبلملری سببیندن بیر وطنداشین صحتی پیسلشیب. لاکین ایران شرکتینین رهبرلییی ایندییه قدر هئچ بیر تدبیر گؤرمه‌ییب.

اکیپاژ عضولری نه معاش آلا بیلیرلر، نه ده گمینی ترک ائتمک امکانی وار. اولجه‌دن دئییلمیشدی کی، دکابر آییندا نوبه دییشیک‌لییی اولاجاق و اونلار سربست بوراخیلاجاقلار. لاکین هله‌لیک هئچ بیر ایرلیلییش یوخدور.