بو گون کیبرتهلوکه‌سیزلیک منبع‌لری ایرانین «MuddyWater» هاکئر گروپونون ترکیه، اسرائیل و آذربایجانا قارشی یئنی هجوم کامپانیاسینا باشلادیغینی بیلدیریب. هجوملاردا گروپون ایلک دفعه تطبیق ائتدیی «اودپگانگستر» آدلی یئنی تهلوکه‌لی پروگرام‌دان استفاده اولونور.

Axar.az خبر وئریر کی، هجوملار اساساً «ایسپئر-فیشینگ» ا-پوچتلاری ایله یاییلیر. مئساژلار شمالی قبرس تورک رسپوبلیکاسی خارین آدین‌دان گؤندریلمیش کیمی گؤستریلیر و «پرئزیدئنت سئچکیلری و نتیجه‌لر» آدلی ساختا سئمینارا دعوت فورماسین‌دا تقدیم ائدیلیر.

ا-پوچتلارا علاوه ائدیله‌ن وؤرد سندی آچیلدیق‌دا و ماکرولار آکتیولشدیریلدیکده، ضررلی کود ایشلییر و سیستمه «اودپگانگستر» یئرلشدیریلیر. سند آچیلدیقدا استفاده‌چییه «بزق» تله‌کوم شیرکتینین آدیندان حاضرلانمیش ساختا بیلدیریش گؤستریلیر.

متخصصلر بیلدیریرلر کی، هدف اساساً دیپلماتیک قوروملار، دولت ایستروکتورلاری و کریتیک سکتور تشکیلاتلاری‌دیر. هجوملارین یاخین گونلرده گئنیش‌لنه بیلجیی احتمال ائدیلیر.

کیبئرتهلوکه‌سیزلیک متخصصلری استفاده‌چیلره نامعلوم سندلری آچماماغی و ماکرولاری آکتیولشدیرممیی توصیه ائدیبلر.