ایران پارلامنتینین یهودی ملت وکیلی همایون سامی نجف آبادی ایران تهلوکه‌سیزلیک و کشفیات ناظرلیینه چاغریلیب.

Axar.az خبر وئریر کی، بو حاق‌دا ملت وکیلی یایدیغی آچیق مکتوبدا بیلدیریب.

او، بونو ایران‌دا یاشایان بیر سیرا یهودیلرین اسرائیلین فارس دیللی کاناللاریندا ائدیلن پایلاشیملارا شرح یازمالاری و بیه‌نمه‌لری ایله باغلی اولدوغونو سؤیله‌ییب.

ملت وکیلی سون هفته‌لر عرضینده تهلوکه‌سیزلیک مأمورلارینین اونونلا بیر نئچه دفعه مصلحت کاراکترلی گؤروشلر ده کئچیردیینی دئییب:

"گؤروشلر ایران یهودی وطنداشلارینین سوسیال مئدیا فعالیتی ایله باغلی تهلوکه‌سیزلیک ناراحات‌لیقلارینی حل ائتمک اوچون کئچیریلیب."

همایون سامی نجف آبادی همچینین یهودی اجماسینین عضولرینی پوتنسیال حقوقی و تهلوکه‌سیزلیک تضییقلریندن اوزاق قالماق اوچون اسرائیله مخصوص و یا علاقه‌لی کاناللارا آبونه اولماقدان، اونلاری ایزله‌مکدن و یا اونلارلا علاقه قورماقدان چکینمه‌یه چاغیریب.

او، خبردارلیق ائدیب کی، بو کاناللاردا فعالیت گؤسترمه‌یه داوام ائتمک "محکمه پروبلملرینه" سبب اولا و ایشلرین آراشدیریلماسی و حلی پروسسینی "داها دا چتینلشدیره" بیلر.

قید ائدک کی، ایران‌دا یاشایان ۱۰۰ مین نفره یاخین یهودی‌نین چوخو ۱۹۷۹-جو ایلده ملالار حاکمیته گلدیکدن سونرا اؤلکه‌نی ترک ائدیبلر.

بیر نئچه ایل اوله کیمی ایران‌دا ۲۵ مین یهودی یاشاسا دا، اونلارین سایی گئتدیکجه آزالماقدادیر. معلوماتلارا گؤره، حاضردا اؤلکه‌نین مختلف بؤلگه‌لرین‌ده یاشایان یهودیلرین عمومی سایی ۱۰ مین جیواریندادیر.

بو آزالما هم ده تضییقلردن یاخا قورتارماق اوچون مینلرله یهودینین کیملیکلرینی دییشدیرمک، دینی منصوبیتلرینی گیزلتمک مجبوریتین‌ده قالماسی ایله علاقه‌لندیریلیر.