دونن اردبیل ایالتینین باشچی‌سی مسعود امامی باکی‌یا سفری چرچیوه‌سینده آذربایجان دمیر یوللارینین (آدی) جمعیتینین صدری رؤوشن روستموولا گؤروشه‌رک نقلیات و لوجستیکا ساحه‌سینده امکداشلیق مسئله‌لرینی مذاکره ائدیب.

Axar.az خبر وئریر کی، بو باره‌ده ایران مئدیاسی معلومات وئریب.

گؤروشده والی پارس آباد (قوچ کندی) شهرینین تزه‌کند بؤلگه‌سینده لوجستیکا-دمیر یولو کؤرپوسونون سالینماسی لایحه‌سینین ایران حکومتی طرفیندن تصدیقلندیینی قید ائدیب.

آذربایجان دمیر یوللاریشرکتینین صدری رؤوشن روستموو ایسه ایرانلا نقلیات علاقه‌لرینین گئنیشلندیریلمه‌سینین آذربایجان اوچون پریوریتت اولدوغونو وورغولاییب. او، شمال–جنوب دهلیزینین و پارس آباد لوجستیکا-دمیر یولو کؤرپوسونون ایکی اؤلکه اوچون ایستراتژی اهمیت داشیدیغینی بیلدیریب.

گؤروشون سونوندا لاییحه‌نین حقوقی-تکنیکی مرحله‌لرینین ایشلنیلمه‌سی و پراکتیکی اجراسینین کووردیناسییاسی اوچون بیرگه اکسپرت کمیته‌سینین یارادیلماسی باره‌ده راضیلیق الده اولونوب.