ایرانین مختلیف ایالتلرین‌ده یاشایان قاشقایی تورکلری قاشقایی ایالتینین یارادیلماسی و یا اونلارین کمپاکت یاشادیقلاری ایالتلردن بیرینه قاشقایی آدینین وئریلمه‌سی طلبی ایله ایمضا کامپانیاسی باشلادیبلار.

Axar.az خبر وئریر کی، بو حاق‌دا اونلار سوسیال مئدیا شبکه‌سینده معلومات یاییبلار.

معلوماتا گؤره، کامپانییانین باشلادیلماسیندان کئچن ۳ گون عرضینده ۲۸ مین‌دن چوخ قاشقایی تورکو بونونلا باغلی پئتی‌سیایا امضا آتیب.

قید ائدک کی، قاشقایی تورکلری اساساً ایرانین شیراز، اصفهان، چهارمحال و بختیاری و بوشهر ایالتلرینده، قیسماً ایسه خوزستان، کهگلویه و بویر احمد ایالتلرینده یاشاییرلار.

اونلار سایلارینین تخمیناً ۳ میلیون اولدوغونو بیلدیرسه‌لر ده، ۲۰۱۶-جی ایلین رسمی ایستاتیستیکاسینا اساساً ایران‌دا ۹۵۹ مین نفر قاشقایی تورکجه‌سینده دانیشیر.