آمریکا سناتی ایران‌دان گلن تهدیدلری ده احاطه ائد‌ن «۲۰۲۶-جی ایل اینفورماسییا سلاحیتی قانونو»نو قبول ائد‌رک پرزیدنت دونالد ترامپین امضاسی اوچون آغ ائوه گؤندریب.

Axar.az خبر وئریر کی، بو باره‌ده "ایران اینترناشنال" منبع‌لره استنادلا معلومات وئریب.

رسپوبلیکاچی سناتور توم کوتون بیلدیریب کی، ایکی‌پارتییالی دستک آلان قانون لاییحه‌سی آمریکا کشفیات اجماع‌سین‌دا «ضروری اصلاحاتلار» آپارماغی و اؤلکه‌نین اسلام رسپوبلیکاسی و چین کیمی رقیبلردن قورونماسی اوچون رسورسلارین گوجلندیریلمه‌سینی نظرده توتور.

سندده ایرانین اورانین زنگینلشدیریلمه‌سی فعالیتی ایله باغلی کنگرسه معلوماتلاندیرمانین آرتیریلماسی خصوصی یئر توتور. قانون کنگرسین اورانین ممکون سلاحلاشدیریلماسی ایله باغلی قرارلار باره‌ده واختین‌دا و شفاف شکل‌ده معلومات آلماسینی طلب ائدیر.

بو سند همچنین چین، روسیا و شمالی کورئیا دیپلماتلاری ایله یاناشی، آمریکا-داکی ایران دیپلماتلارینا دا سیاحت محدودیتلرینی تطبیق ائدیر.

علاوه رسورسلار آمریکانی کیبرهجوملار، پروکسی میلیسلر و سوء قصد پلانلاری دا داخل اولماقلا مختلف ایران تهدیدلریندن مدافعه ائتمه‌یه یؤنلدیلیب.