آمریکا فدرال تحقیقات بوروسو سید توککولی آدلی ایران وطنداشینی سپاه-ین قدس قانادی ایله علاقه‌لی فعالیتلر اوزره آختاریلان شخصلر سیاهیسینا علاوه ائدیب.

Axar.az خبر وئریر کی، بو باره‌ده خارجی مئدیا معلومات وئریب.

معلوماتا گؤره، توکلی، «گنرال عمار» لقبی ایله تانینیر و قدس قانادینین ۱۱۰۰۰-جی دیویزییاسینین رئیس اولوب. او، مخالیفلره، ژورنالیستلره، اسرائیل وطنداشلارینا و حاضرکی و کئچمیش آمریکا رسمیلرینه قارشی گیزلی کشفیات عملیاتلارینا و اؤلومجول هجوملارا رهبرلیک ائتمک‌ده اتهام اولونور.

آمریکا رسمیلری قید ائدیر کی، توکلی‌نین رهبرلیک ائتدیی شبکه آوسترالیا، یونانستان، آلمانیا و مکزیکا دا داخل اولماقلا بیر نئچه اؤلکه‌ده ترور آکتلاری پلانلاشدیرماغا جهد ائدیب. فدرال تحقیقات بوروسو اونون هارادا اولدوغو باره‌ده معلوماتی اولان هر کسی یئرلی اوفیسله، یاخود ان یاخین آمریکا سفیرلییی و کونسوللوغو ایله علاقه ساخلاماغا چاغیریر.