آغیر چکی اوزره تانینمیش ایران‌لی گولشچی امیر رضا معصومی یاخین گونلرده آذربایجان گولش فدراسییاسی ایله مقاویله امضالایاجاق و ملی کوماندانین ترکیبین‌ده یاریشلارا قاتیلاجاق.

Axar.az خبر وئریر کی، بو حاق‌دا ایران مئدیاسی معلومات یاییب.

قید اولونوب کی، پروسئس ایران گولش فدراسییاسی راضی‌لیق وئرمدیی اوچون اوزانیر:

"ایران گولش فدراسییاسینین راضی‌لیق مکتوبو وئرمه‌مه‌سی سببیندن معصومی ۲۰۲۷-جی ایلده‌ن اعتباراً آذربایجان اوچون مباریزه آپارا بیله‌جک. آنجاق اونون و آذربایجان گولش فدراسیاسینین اساس نیتی ۲۰۲۸-جی ایل لوس-آنجلس اولیمپیاداسیندا اشتراک ائتمکدیر".

بو خبر ایران مئدیاسی و ایدمان اجتماعیتین‌ده ناراضی‌لیقلا قارشیلاشیب، حتی بعضیلری معصومینی ساتقینلیقدا دا گناهلاندیریبلار.

بعضی مئدیا اورگانلارینین یازدیغینا گؤره، آذربایجا گولش فدراسییاسی ایران‌لی گولشچییه آیلیق ۲۲ مین دلار امک حاقی اؤد‌یه‌جک.

قید ائدک کی، بیر مدت اول ده یونان-روما گولشی اوزره ایران ملی کومانداسینین کئچمیش باش مشقچی‌سی محمد بنا آذربایجان گولش فدراسیاسی ایله دانیشیقلاردان سونرا ملی کماندایا رهبرلیک ائتمک باره‌ده راضیلیغا گلیب.