شرقی آذربایجان ایالتینین جلفا شهرینده یاشایان ملی فعال و کئچمیش سیاسی محبوس یوروش مهرلی‌بی‌لی تبریز شهرینده ساخلانیلیب.

Axar.az خبر وئریر کی، بو باره‌ده اونون عائله‌سینه یاخین منبع‌لر معلومات وئریب.

هئچ بیر رسمی دولت قورومو هله‌لیک ملی فعالین حبسینین مسئولیتینی قبول ائتمه‌ییب.

اونون هارادا ساخلانیلدیغی و حبس سببی باره‌ده ده معلومات الده ائتمک ممکن اولماییب.

قید ائدک کی، یوروش مهرعلی‌بیلی ایران‌دا باش قالدیران اعتراض آکسیالارینی دستکله‌ییب و آذربایجان‌لیلارین دا اؤز ملی شعارلاری و طلبلری ایله آکسیالار کئچیرمه‌لرینین واجیبلیینی بیلدیریب.

او، حبس اولوناجاغی احتمالینی دا نظره آلاراق گونئی آذربایجان تشکیلاتلارینین آکسیالارا حاضرلاشمالی اولمالارینی دئییب.

"من و دوستلاریم حبس اولونساق دا حبسخانادان آکسیالارا چاغیریش ائدجییک، آنجاق حبسخانادان بو امکانین اولمایا بیله‌جه‌یینی ایندیدن نظره آلاراق، بورادان دئییرم کی، آذربایجان ملی حکومتینین قورولماسینی قارشیلارینا مقصد قویان گونئی آذربایجان تشکیلاتلاری ایندی‌دن عمومی اعتراض آکسیالارینا قوشولماق اوچون چاغیریش ائتملیدیرلر".