سون ۲۴ ساعت عرضین‌ده حاکمیتین اصلاحاتچی قانادی، خصوصاً مسعود پزشکیانین یاخین اطرافی سیستم‌دن اوزاقلاشماغا باشلاییب و فرانسا ویزاسی آلماغا تشببوس گؤستریبلر.

Axar.az خبر وئریر کی، بونو فرانسادا یاشایان ایران اصیل‌لی ژورنالیست امانوئل رضوی فرانسانین "کانال۱" تلویزیاسینا مصاحبه‌سین‌ده دئییب.

"بو مأمورلار پاریس‌ده‌کی ایران-فرانسیز وکیلی واسطه‌سیله عائله‌لری اوچون ویزا آلماغا چالیشیرلار"،- او بیلدیریب.

رضوی، خصوصیله ایران پارلامنتینین صدری محمد باقر قالیبافین آدینی چکیب و ادعا ائدیب کی، اونون بیر سیرا عائله عضولری ده ویزا اوچون مراجعت ائدیبلر.

حاضرکی حکومتی نارکوتیک و سلاح قاچاقمالچی‌لیغی ایله مشغول اولان "مافیا دسته‌سی" کیمی خاراکتریزه ائد‌ن ایران اوزره اکسپرت ویزا آلماق ایسته‌یه‌نلر سیاهی‌سیندا ایرانین تخمیناً ۲۰ یوکسک وظیفه‌لی مأمورلارینین عائله‌سینین اولدوغونو و اونلارین بعضیلرینین خارجی کشفیات خدمتلری و مخالفت گروپلاری ایله علاقه قوردوغونو سؤیلیب.