ایران‌دا گئنیش یاییلمیش خالق اعتراضلاری عصیان‌دیر و بو، ایرانین سرحدلریندن کناردا، او جمله‌دن روسیا اوچون ده نتیجه‌لره سبب اولاجاق.

Axar.az خبر وئریر کی، بونو اوکراینا پرزیدنتی ولادیمیر زلنسکی اؤزونون ایکس صحیفه‌سینده یازیب.

«دنیاداکی هر بیر عادی انسان حقیقتاً ایران خالقینین نهایت خوشبخت اولماسینی و اورادا موجود اولان تکجه ایران خالقینا دئییل، هم ده اوکراینایا و دیگر اؤلکه‌لره چوخلو بلالار گتیره‌ن رژیم‌دن آزاد اولماسینی ایستییر»،- او علاوه ائدیب.

اوکراینا پرزیدنتی بین‌الخالق اجتماعیتین بو آنی گؤرمزدن گلمه‌مه‌لی اولدوغونو وورغولاییب:

«دنیانین بو آنی، دییشیکلیین ممکن اولدوغو بیر آنی قاچیرماماسی واجیبدیر».

ولادیمیر زلنسکی همچینین سیاسی لیدرلری، اؤلکه‌لری و بین‌الخالق تشکیلاتلاری داها فعال رول اویناماغا چاغیریب:

«هر بیر لیدر، هر بیر اؤلکه و بین‌الخالق تشکیلاتلار ایندی مداخله ائتمه‌لی و ایران‌دا بو وضعیته گؤره مسئولیت داشییانلاری جوابده‌لییه جلب ائتمک‌ده خالقا کمک ائتمه‌لیدیر».