ایران‌دا اعتراض آکسیالاری باشلایان‌دان بو گونه کیمی اؤلدوروله‌نلرین سایینین ۱۳ مین جیوارین‌دا اولدوغو تخمین ائدیلسه ده، آنجاق بعضی معلوماتلارا گؤره بو ۲۰ مینی کئچیب.

Axar.az خبر وئریر کی، بو باره‌ده «جی بی اس نیوز» معلومات یاییب.

معلومات‌دا مورقلاردا ییغیلمیش جسدلری گؤستره‌ن گؤرونتولر و ویدئولار گؤستریلیب. طبی منبع‌لر همچینین «جی بی اس نیوز»-آ بیلدیریبلر کی، خسته‌خانالار چوخ سایدا اؤل‌ن اعتیراض‌چینین جسدی ایله دولوب و اونلارین چوخو، خصوصاً باش و یوخاری بدن ناحیه‌سین‌دن گوله یارالاری ایله طب موسسه‌لرینه آپاریلیب.

"اؤلکه مقیاسین‌دا اینترنتین کسیلمه‌سی، طب ایشچیلرینه قارشی تهدیدلر و سرت تهلوکه‌سیزلیک محیطی قوربانلارین سایینی دقیق قید ائتمیی چتینلشدیریب. لاکین موجود دلیللر گؤستریر کی، ایسلام رئسپوبلیکاسی رئژیمینین اعتراضلارا قارشی حیاتا کئچیردیی تدبیرلر ایرانین معاصر تاریخین‌ده ان قان‌لی حادثه‌لردن بیرینه چئوریلیب"،- معلومات‌دا قید اولونوب.